Focus.ua
Qytaıdyń Ýhan qalasynda koronavırýstyń órshýine baılanysty keıinge shegerilgen bokstan Azııa jáne Tynyq muhıt aımaǵy boıynsha irikteý (2020 jyly Tokıoda ótetin Olımpıada oıyndaryna) týrnıriniń merzimi de, ótetin orny da ózgeretin boldy. Bul týraly Halyqaralyq olımpıada kommıtetine silteme jasaǵan Olympic.kz saıty habarlady.
Saıttyń habarlaýynshy, irikteý týrnırin ótkizý kúni 3-11 naýryzǵa josparlandy, biraq qaı memlekette ótetini áli belgisiz.
"Sportshylar men resmı tulǵalardyń qaýipsizdigin qamtamasyz etý maqsatynda 3-14 aqpan aralyǵyna josparlanǵan 2020 jylǵy Tokıo Olımpıadasyna Azııa/Tynyq muhıty elderiniń boksshylaryn irikteýdi keıinge qaldyrý sheshimi qabyldanǵan bolatyn. Irikteý týrnıri ótkiziletin jańa merzim – 3-11 naýryz. Qazirgi kezde jarysty ótkizetin oryn qarastyrylýda. Bir anyǵy, týrnır Qytaıda uıymdastyrylmaıdy. Jumys toby týrnırdi qabyldaıtyn memleket pen qalany anyqtaǵan kezde barlyq Ulttyq Olımpıadalyq komıtetter, ulttyq federasııalar men resmı tulǵalar habardar etiledi"delingen HOK-tyń resmı hatynda.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir