Kúzetshi Nazarbaevaǵa suraq qoımaqshy bolǵan jýrnalıstiń aýzyn japty (vıdeo)

Qazaqstan parlamenti senatynyń tóraǵasy Darıǵa Nazarbaevnyń kúzetshileri oǵan uly Aısultan Rahat ( keshe ǵana jýrnalısterge suhbat berip, "maǵan qaýip tónip tur" dep málimdegen) týraly suraq qoımaqshy bolǵan Azattyq Radıosynyń jýrnalısine bóget boldy.

Azattyq Radıosynyń jazýynsha, búgin, 23 qańtarda senat otyrysynan keıin olardyń jýrnalısi Ásemgúl Muhatqyzy Darıǵa Nazarbaevadan "ulyna tóngen qaýip" týraly suramaq bolǵan. Alaıda senat spıkerin ádettegideı eki kúzetshi emes, kemi alty kúzetshi qorshap, jýrnalısti oǵan jolatpaǵan. Bir kúzetshi Azattyq tilshisiniń aýzyn jaýyp, suraq qoıýyna kedergi keltirgen. 

Keshe Qazaqstannyń burynǵy prezıdenti Nursultan Nazarbaevtyń jıen nemeresi Aısultan Rahat qazaqstandyq jýrnalısterge bergen suhbatynda óziniń týǵan ákesi Rahat Álıev emes, Nursultan Nazarbaev ekenin, al sheshesi Darıǵa Nazarbaevdan ózine qaýip tónip turǵanyn aıtqan. Nazarbaevtar otbasy Aısultannyń aıtqandaryna qatysty eshqandaı resmı aqparat bergen joq.