23 Qańtar, 2020 Barlyq aımaqtar

«Jas Otan» Jastar qanatynyń jańa tóraǵasy saılandy

Jas Otan

"Nur Otan" partııasynyń tóraǵasy Nursultan Nazarbaevtyń kelisimimen «Jas Otan» Jastar qanatynyń tóraǵasy qyzmetine Elnur Beısenbaev saılandy. Jastar qanaty Ortalyq keńesi músheleriniń qatysýymen ótken jıynda partııa tóraǵasynyń birinshi orynbasary «Jas Otan» jastar qanatynyń aldynda jańa maqsattar men mindetter turǵanyn alǵa tartty.

«Elimizdiń jarqyn bolashaǵy úshin jasotandyqtar úzdiksiz qyzmet etýi tıis. Elbasy, partııamyzdyń Tóraǵasy Nursultan Nazarbaev maslıhattyń barlyq deńgeıinde jas depýtattar sanyn 20%-ǵa deıin kóbeıtý qajettigin aıtty. Bul rette «Jas Otan» Jastar qanatynyń róli erekshe. Atalǵan tizimde jasotandyqtar alǵashqylardyń biri bolyp turýy qajet. Qasym-Jomart Toqaevtyń usynysymen 2020 jyl «Volonter jyly» bolyp jarııalandy. Osy oraıda, «Jas Otan» elimizdegi eń iri jastar uıymy retinde, volonterlik qozǵalysty órletýde aldyńǵy qatarda turýy tıis», - dedi Baýyrjan Baıbek.

Sondaı-aq, ol ázirlenip jatqan 2020-2025 jyldarǵa arnalǵan «Jastar-Otanǵa!» baǵdarlamasynda bilim alý, jumysqa ornalasý, baspana sııaqty t.b. jastar úshin ózekti máseleler qamtylatynyn jetkizdi. Osy oraıda, barsha Qazaqstan jastaryna arnalǵan baǵdarlamanyń jobasyn ázirleý jumystaryna árbir aýyldyń, aýdannyń, qalanyń jastary atsalysýy qajet ekenin erekshe atap ótti.

Elnur Beısenbaevtyń jastar saıasatynda tájirıbesi mol. Stýdenttik jyldary jastar uıymdarynyń belsendi múshesi bolǵan. Ol memlekettik qyzmette jáne Úkimettik emes uıymdarda da jumys istedi.

Osyǵan deıin «Jas Otan» JQ tóraǵasy qyzmetin atqarǵan Dáýlet Káribek Prezıdenttik kadrlyq rezerv tizimine enip, endi óziniń jastar saıasatyndaǵy mol tájirıbesin memlekettik qyzmet salasynda iske asyrady.

Jastardy jan-jaqty qoldaý maqsatynda jastar jylynyń qortyndysy retinde 300 bilikti jastardan turatyn Prezıdenttik kadrlyq rezerv jasaqtaldy. Bul – elimizdegi bilimdi jáne bilikti jastardy qoldaýǵa baǵyttalǵan mańyzdy sheshim. Partııa men jastar qanatynyń maqsaty – básekege qabiletti bolýdy, qoǵamǵa paıda keltirýdi oılaıtyn, Otan úshin jaýapkershilik alýǵa daıyn jastarǵa áleýmettik lıft jasaý.
«Árbir jastyń jeke jetistigi – tutas Otanymyzdyń tabysy» degen Tuńǵysh Prezıdent, Elbasy Nursultan Nazarbaevtyń jastarǵa árdaıym aıryqsha kóńil bóletinin bilesizder. Prezıdent Qasym-Jomart Toqaevtyń tapsyrmasymen Jastar jyly aıasynda eń kóp jastar shoǵyrlanǵan Nur-Sultan, Almaty jáne Shymkent qalalarynda jumys isteıtin jastarǵa 3 myń páter berildi. Sondaı-aq, aldaǵy úsh jyl ishinde páter sany 9 myńǵa ulǵaıyp, basqa aımaqtardy da qamtıtyn bolady», - dedi Baýyrjan Baıbek.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir