Nursultan Baıtilesov Joǵarǵy sot apparaty basshysynyń orynbasary bolyp taǵaıyndaldy.

Nursultan Tólenuly úzdik 300 jastyń qatarynda memleket basshysymen kezdesýde bolyp, prezıdenttik jastar rezervine alynǵan dep jazady Qamshy.kz aqparat agenttigi. Bul týraly QR Joǵary sotynyń baspasóz qyzmetiniń ókili Aıdos Sadýaqasov habarlady. 

"Búgin sizderge taǵy bir qýanyshty jańalyqty habarlaǵaly otyrmyn.
Qazaqstan Respýblıkasy prezıdenti ákimshiliginiń kelisimine jáne Joǵarǵy sot tóraǵasynyń ókimine sáıkes Nursultan Tólenuly Baıtilesov Joǵarǵy sot apparaty basshysynyń orynbasary bolyp taǵaıyndaldy.

N.Baıtilesov 1991 jyly týǵan. M.Áýezov atyndaǵy Ońtústik Qazaqstan memlekettik ýnıversıtetin «quqyqtaný» mamandyǵy boıynsha, О́ńirlik áleýmettik-ınnovasııalyq ýnıversıtetin «ekonomıka jáne bıznes» mamandyǵy boıynsha bitirgen. Zań ǵylymdarynyń magıstri.

2009 jyldan bastap Astana qalasy Almaty aýdandyq sotynyń jetekshi mamany, bas maman-sot otyrysynyń hatshysy, sot prıstavy, bas mamany, Atyraý, Pavlodar oblystyq sottarynyń keńsesi basshysynyń orynbasary, Joǵarǵy Sot janyndaǵy Sottardyń qyzmetin qamtamasyz etý departamentiniń bas konsýltanty bolyp qyzmet atqarǵan.
2016 jyldan bastap 2018 jylǵa deıin – Áskerı sot ákimshisiniń basshysy, QR Joǵarǵy Soty janyndaǵy Sottardyń qyzmetin qamtamasyz etý departamentiniń Halyqaralyq baılanystar jáne Protokol bólimi meńgerýshisiniń orynbasary.

Osy taǵaıyndaýǵa deıin Shymkent qalasynyń Sottar ákimshisiniń basshysy boldy.

Memlekettik qyzmettiń barlyq satysynan ótip, nátıjesinde Joǵarǵy Sot apparatynyń basshylyǵyna kelgen áriptesimiz Nursultan Tólenulyna osy qyzmette abyroı men sáttilik tileımiz! Boıyndaǵy bar bilimi men tájirıbesin sot júıesin odan ári damytýǵa jumsaıdy dep senemiz!", - dep jazdy Aıdos Sadýaqasov.