21 Qańtar, 2020 NEWS

Qaster men Muragerge sot úkimi shyqty

Azattyq

Shyǵys Qazaqstan oblysy Zaısan aýdandyq sotynda "memlekettik shekarany zańsyz kesip ótti" dep aıyptalǵan etnıkalyq eki qazaq Qaster Musahanuly men Murager Álimulyna úkim shyqty dep jazady Qamshy.kz aqparat agenttigi. 

Sýdıa Shynar Ospanova Qaster Musahanuly men Murager Álimulyn árqaısysyn bir jylǵa bas bostandyǵynan aıyryp, jazasyn qaýipsizdigi tómen mekemede óteýdi buıyrdy. Sonymen qatar olardyń árqaısysyna 25 250 teńge kóleminde aıyppul saldy. Sot olardy Qytaıǵa qaıtarmaýdy úkim etti.

2019 jyly qazan aıynyń basynda Qytaıdyń Shyńjań ólkesinde týyp ósken etnıkalyq qazaqtar Qaster Musahanuly men Murager Álimulynyń Qazaqstanǵa "shekarany zańsyz kesip ótkeni" týraly aqparat taraǵan. 14 qazanda Almatydaǵy adam quqyǵyn qorǵaý bıýrosynda ótken baspasóz máslıhatynda Qaster Musahanuly Shyńjańdaǵy "saıası lagerde qamaýda bolǵanyn", Murager Álimuly Qytaıda "qysym kórgenin" aıtqan edi. Qazannyń ortasynda Qazaqstan Ulttyq qaýipsizdik komıteti (UQK) ol ekeýin "shekaradan zańsyz ótti" dep aıyptap, О́skemen qalasyndaǵy tergeý ızolıatoryna jetkizgen.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir