Masqara: Májilis endi adam túgili zańdy da jumysqa alyp otyr

Bulaı aıtýymyzǵa Qazaqstan Respýblıkasy Parlamenti Májilisiniń resmı saıtyndaǵy bas bette battıyp turǵan  "Májilis kóptegen zań jobalaryn jumysqa aldy" degen taqyryp sebep bolyp otyr.

Senińiz, senbeńiz, "zań jobalaryn jumysqa aldy" dep tur. Iаǵnı,Palata Spıkeri Nurlan Nyǵmatýlınniń tóraǵalyǵymen ótken jańa jyldaǵy alǵashqy jalpy otyrystyń ózegin órgen aqparattyń taqyryptyq sıyq-syqpyty osy.

Bul týraly Azattyq tilshisi Nurbek Túsiphan da Feısbýk jelisinde jazǵan bolatyn. Onda ol: 
"Qazaqstan Respýblıkasy Parlamentiniń Májilisi"Májilis kóptegen zań jobalaryn jumysqa aldy" dep tur eken. Keıbirin jumysqa almaı, keıbirin aryz jazdyryp, shyǵaryp jibergen bolar", – dep synaǵan edi.

Eń soraqysy, bundaı tildik zańdylyqty tikesinen "myjyp" ótken óreskel qatelik  qysqa aqparattyń sońyn ala "qalqıyp"  taǵy da tur.  

"Búgingi jalpy otyrysta Májilis 16 zań jobasyn jumysqa aldy. Onyń ishinde, Ekologııalyq Kodeks, asyl tuqymdy mal sharýashylyǵy, mádenıet máseleleri boıynsha, memlekettik feldegerlik baılanys týraly basqa da óte mańyzdy zań jobalary qamtylǵan", – deıdi Parlamenti Májilisi apparatynyń baspasóz qyzmeti daıyndaǵan qysqa-qaıyrym aqparda.