О́zbekstan úkimeti tolyq quramda eldiń jańa Olıı Majlısi (parlament) aldynda óz ókildigin toqtatty. Bul týraly О́zbekstannyń Uza.uz saıty habarlady. 

Saıttyń jazýynsha, parlamenttiń tómengi zań shyǵarý palatasynyń birinshi otyrysynyń qorytyndysy boıynsha, О́zbekstan úkimetiniń óz ókildigin toqtatyny týraly ótinishi qabyldandy. 

О́zbekstan Konstıtýsııasyna sáıkes, úkimet kabmınniń jańa quramy qurylǵanǵa deıin óz jumysyn jalǵastyrady. Sonymen qatar parlament búgin, 21 qańtarda ótetin eki palatanyń birlesken otyrysynda jańa premerdiń kandıdatýrasyn qaraıdy. 

О́zbekstan Konstıtýsııasyna sáıkes, premerdiń kandıdatýrasyn parlamenttiń zań shyǵarýshy (tómengi) palatasynda eń kóp depýtattyq oryn jınaǵan partııa usynady. 2019 jyldyń 22 jeltoqsanynda bolǵan saılaý qorytyndysy boıynsha О́zbekstan lıberaldyq-demokratııalyq partııasy eń kóp oryn - 53 depýtattyq oryn alǵan bolatyn.

Buǵan deıin Reseıde de úkimet otstavkaǵa ketken edi. 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir