A.Qaldybekov jáne B.Aqjarov/ fotokollaj
Almaty ákiminiń ókimimen, Prezıdent Ákimshiliginiń jáne qalalyq máslıhat depýtattarynyń kelisimimen Alataý jáne Túrksib aýdandarynyń ákimderi bolyp Azamat Qaldybekov jáne Baqytjan Aqjarov taǵaıyndaldy, dep habarlaıdy almaty.gov.kz.
Aýdandardyń jańa ákimderin tanystyrǵan Almaty ákimi Baqytjan Saǵyntaev olardyń Prezıdenttik jastar kadrlyq rezerviniń ókilderi ekenin atap kórsetti.
– Memleket basshysynyń daryndy jastar úshin ashyq jáne tıimdi áleýmettik lıft qurý jónindegi ıdeıasy iske asýda. Almatydan rezervter qataryna 39 adam endi. Búgingi kandıdattar – aýdandar ákimderi bolyp qyzmet atqarýǵa barynsha daıyndyqtan ótkender. Biz olardan atalǵan aýdandarda turatyn almatylyqtardyń ómir súrý sapasyn jaqsartýda nátıjeli jumystardy kútemiz, – dep atap ótti Almaty ákimi Baqytjan Saǵyntaev.
Alataý aýdanynyń jańa ákimi Azamat Qaldybekov búgingi kúnge deıin Almaty qalasy jer qatynastary basqarmasy basshysynyń orynbasary laýazymynda boldy. Túrksib aýdanyna ákim bolyp taǵaıyndalǵan Baqytjan Aqjarov Almatynyń turǵyn úı saıasatynyń basshysy qyzmetin atqardy.
Alataý jáne Túrksib aýdandarynyń burynǵy ákimderi Sh. Ryspaev pen P. Kýlagın óz erikterimen ótinish berýlerine sáıkes qyzmetterinen bosatyldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir