Alataý aýdanynyń burynǵy ákimi Shahmerden Ryspaev jáne onyń burynǵy orynbasary Saıat Aǵybaev sot sanksııasymen eki aıǵa qamaldy. Bul týraly Almaty qalalyq sotynyń baspasóz qyzmeti habarlady. 

"Sotqa deıingi tergeý organy sanksııa berý úshin tergeý sotyna júgindi. Tergeý sotynyń qaýlysymen kúdikti Shahmerden Ryspaevqa qatysty eki aı merzimge kúzetpen ustaý túrindegi bultartpaý sharasy sanksııalandy" dedi Almaty qalalyq sot baspasóz qyzmetiniń ókilderi.

Sot baspasóz qyzmetiniń habarlaýynsha, Alataý ákiminiń orynbasary Saıat Aǵymaev ta eki aı merzimge qamaldy.

18 qańtarda Almaty qalasynyń sybaılas jemqorlyqqa qarsy qyzmeti "sybaılas jemqorlyq qylmysyn jasady" degen kúdikpen Almaty qalasy Alataý aýdanynyń burynǵy ákimin, onyń orynbasaryn, aýdan ákimi apparaty basshysyn, mádenıet jáne tilderdi damytý bóliminiń basshysyn ustaǵan.

Olar 2019 jyly "О́ńirlerdi 2020 jylǵa deıin damytý" memlekettik baǵdarlamasy boıynsha bólingen bıýdjet qarajatyn iri mólsherde urlady degen kúdikke ilingen. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir