Eldegi stýdentteriniń qanshasy aqyly negizde oqıdy?

Eldegi joǵary oqý oryndarynda bilim alatyn 10 stýdenttiń jeteýi aqyly negizde oqıdy. Iаǵnı jalpy 604 myń stýdenttiń 424 myńy alǵan bilimi úshin aqsha tóleıdi, dep jazady 24.kz

Al memlekettik grantpen oqıtyndar sany 180 myńnan sál asady.

2019-2020 oqý jylynda Qazaqstanda 125 joǵary oqý orny tirkelgen. Onyń jartysynan astamy – jeke ýnıversıtetter.

Byltyrǵy qańtar-qyrkúıek aralyǵyndaǵy málimetke qaraǵanda joǵary bilim berý salasyndaǵy qyzmet aqysy 10 prosentke ósti. Osylaısha qyzmet úshin alynǵan qarjynyń jalpy somasy 229 jarym mıllıard teńgeni qurady. Onyń 37 prosenti Almaty qalasyndaǵy ýnıversıtetterdiń úlesinde. Úshtikke Nur-Sultan men Qaraǵandy oblysynyń joǵary oqý oryndary da kiredi.