Almaty qalasy Alataý aýdanynyń burynǵy ákimi ustaldy

Almaty qalasy Alataý aýdanynyń burynǵy ákimi Shahmerden Ryspaev ustaldy, - dep habarlaıdy Qamshy.kz aqparat agenttigi.

"Sybaılas jemqorlyqqa qarsy qyzmet Almaty prokýratýrasymen birlesip, Alataý aýdanynyń ákimi, onyń orynbasary, sondaı-aq osy aýdan ákimi apparatynyń mádenıet jáne tilderdi damytý bóliminiń basshysyn jemqorlyq isi boıynsha qylmys jasady degen kúdikpen ustady. Olar 2019 jyly "О́ńirlerdi 2020 jylǵa deıin damytý" memlekettik baǵdarlamasy boıynsha bólingen bıýdjet qarajatyn iri kólemde jymqyrdy degen kúdikke ilindi. Sondaı-aq, aýdan ákiminiń orynbasary qujatqa jalǵan málimetter engizgeni úshin merdigerlik uıym ókilinen 500 myń teńge parany banktik shotqa aýdarý arqyly alý derekteri boıynsha tergeý júrip jatyr. "Aýdan ákimi men onyń orynbasary Almaty PD-niń ýaqytsha ustaý ızolıatoryna qamaldy. Bultartpaý sharasyn tańdaý máselesi qaralyp jatyr. Ákimdiktiń mádenıet bóliminiń basshysy ustalǵan joq, sebebi kúdikti kinásin moıyndap, qorǵaýshysymen birge shaqyrtýǵa kelý týraly mindetteme berdi", - delingen habarlamada.

Kúdiktilerdiń kinálilik dárejesi týraly sońǵy sheshimdi sot shyǵarady.