Bolat Baqaýov eki aıǵa qamaýǵa alyndy

Pavlodar oblysy ákimine qatysty mundaı sheshimdi Pavlodar mamandandyrylǵan tergeý sotynda qabyldandy, dep habarlaıdy QazAqparat.

«Baqaýovty eki aıǵa qamaýǵa alý sharasy sanksııalansyn. Qamaýda ustaý merzimi ustalǵan ýaqytynan bastap eseptelsin», dedi májilis barysynda sýdıa Baltabaı Dúnbekbaev.

Bolat Baqaýovqa Qazaqstannyń Qylmystyq Kodeksiniń 362 baby 4-shi bóligi úshinshi pýnkti boıynsha qylmys jasady degen kúdik keltirilip otyr. Atalmysh baptar ózine jáne ózge azamattar men uıym úshin paıda tabý maqsatynda qyzmettik ókilettigin asyra paıdalaný degendi bildiredi.

Mundaı qylmys jasaǵany úshin mal-múlki tárkilenip, 5-ten 10 jylǵa deıin sottalady jáne qandaı da bir laýazymdy atqarýǵa tyıym salynady.

Prokýror Rýstam Sádýaqasov sottan Bolat Baqaýovty eki aıǵa nemese 16 naýryzǵa deıin qamaýda ustaýdy surady. Sebebi ol bostandyqta jazadan qashýy bolmasa tergeý jumystaryna kedergi keltirýi múmkin.

О́z kezeginde Bolat Baqaýov ózine taǵylyp otyrǵan aıyppen kelispeıtinin aıtty.