17 Qańtar, 2020 Oqıǵalar

Reseılik kóripkel Almaty turǵynyn 27 mıllıon teńgege aldap ketti

Qamshy.kz

Almaty qalasynyń polısııa departamenti asa iri kólemde alaıaqtyq jasady degen kúdikpen Reseı azamatyn ustady. Bul aqapartty departamenttiń baspasóz qyzmeti habarlady.

Departamenttiń habarlaýynsha, ózin Sálıma dep tanystyrǵan áıel zardap shegýshige óziniń kásibı kóripkel ekenin aıtqan. Aldanyp qalǵan almatylyq kelinshek onymen tylsym qyzmet túrlerin kórsetetin saıttardyń birinde tanysypty.

Kúdikti turǵynmen ınternet arqyly biraz sóılesken soń oǵan jeke kezdesýdi usynǵan.

"Tylsym qyzmet túriniń seansyn ótkizý barysynda alaıaq senimge kirip, jábirlenýshiniń 27 mıllıon teńgesin (shamamen 71 050 myń dollaryn) aldap alǵan" deıdi Almaty qalasy polısııa departamentiniń baspasóz qyzmeti.

Qazir polısııa kóripkeldi ustady. Kúdikti ýaqytsha tergeý ızolıatoryna qamaldy.

Tergeý barysynda oǵan qatysty Qylmystyq kodekstiń 190-babynyń 4-tarmaǵy, 2-tarmaqshasy ("asa iri kólemde alaıaqtyq jasaý") boıynsha bultartpaý sharasyn qoldaný máselesi qarlyp jatyr.

Ilmek sózder: Kóripkel alaıaqtyq

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir