Ispanııa vıllalarynyń birinen qazaqstandyq bıznesmenniń máıiti tabyldy

Ispanııada Slavakııanyń Almatydaǵy eks-konsýly, bıznesmen Marat Sabalaqovtyń óli denesi tabyldy. Bul týraly  ıspanııanyń Diarioinformacion.com jáne El Dia basylymdary jazdy. 

Olardyń jazýynsha, bıznesmenniń denesi Ispanııadaǵy vıllalardyń biriniń aýmaǵyndaǵy baqtan tabylǵan. BAQ er adam buryn aýyrǵanyn atap ótti.

Bastapqyda zorlyqpen óltirgen degen boljam jasaldy, óıtkeni máıittiń janynan ǵana emes, úıden de qan izderi tabylǵan. Degenmen Sabalaqov densaýlyǵyna baılanysty esinen tanyp qulap, basyn jaryp alýy ábden múmkin, dep jazdy jergilikti basylym. 

Sabalaqovtyń ólimine ne sebep bolǵanyn anyqtaý úshin onyń denesi Alıkante qalasynda ornalasqan Zań medısınasy ınstıtýtyna joldandy. Onda mamandar máıitti ashyp, birneshe saraptama júrgizedi.

Qazaqstannyń syrtqy ister mınıstrligi eldegi BAQ-tarǵa Sabalaqovtyń ólimine qatysty "Ispanııa polısııasy Qazaqstan azamaty qaıtys bolǵanyn habarlady. Qazir konsýl barlyq mán-jaıdy anyqtaý úshin oqıǵa ornyna attanyp ketti" dep túsinikteme bergen. 

53 jastaǵy Marat Sabalaqov AS Invest Group kompanııasynyń prezıdenti bolǵan. 2015 jyldyń qarasha aıynda Sabalaqov Slovakııanyń Almatydaǵy qurmetti konsýly qyzmetine taǵaıyndaldy.