• USD 389.52
  • EUR 429.21
  • RUB 6.07
  • CNY 54.94
28 Qańtar, 14:52:24
Qazaqstan Ýkraınanyń saýda naryǵyna alańdaýly

16 Qańtar, 2020 NEWS

Medısınalyq saqtandyrý: kim, qansha tóleıdi?

informburo.kz

Qazaqstanda mindetti áleýmettik medısınalyq saqtandyrý júıesi engizilgenine eki aptadan asty. Eki jyl keıinge shegerilip baryp iske qosylǵan jańa júıege qatysty týyndap jatqan suraq kóp. Sonyń eń negizgisi – jarna máselesine qatysty. Jurtshylyqty mazalaǵan mańyzdy suraqtarǵa «Áleýmetik medısınalyq saqtandyrý qory» KEAQ Almaty qalalyq fılıaly ókilderi jaýap beredi.

«Saqtandyrý júıesi engizilgennen keıin qala turǵyndarynan kóptegen suraqtar túsip jatyr. Suraqtardyń negizgi bóligi jarna máselesine kelip tireledi. Azamattardy qansha jarna tóleýim kerek, saqtandyrý sheńberinde kórsetiletin qyzmetterge somasy jaǵynan shekteý bar ma, áskerıler qalaı tóleıdi degen sııaqty t.b. saýaldar mazalaıdy», – dedi Qordyń Almaty fılıaly dırektory Nurlybek Qabdyqaparov.

Onyń aıtýynsha, birinshi sanatqa memleket tarapynan saqtandyrylatyn 15 sanat jatady. Bul tizimge 18 jasqa deıingi balalar, zeınetkerler, Uly Otan soǵysynyń qatysýshylary men ardagerleri, resmı jumyssyz retinde tirkelgender, ınternat tárbıelenýshileri, jumys istemeıtin júkti áıelder, dekrettik demalystaǵy analar, múgedekter, múgedek bala kútimimen aınalysatyndar, stýdentter, tergeý ızolıatorlarynda otyrǵandar, jumyssyz oralmandar jatady. Olardyń jalpy sany 11 mıllıonǵa jýyqtaıdy.

Odan keıin jumys berýshiler, jaldamaly jumysshylar, jeke kásipkerler men óz betinshe tóleýshiler degen sanattar bar.

Esterińizge sala ketsek, jumys berýshiler qaramaǵyndaǵy qyzmetkerler úshin 2017 jyldyń shildesinen bastap jarna tólep keledi. 2020 jyly atalǵan sanat óz qarajaty esebinen ár qyzmetkerdiń jalaqysynan 2% aýdarady.

Qalǵan sanattardyń barlyǵy jarna aýdarýǵa bıyldan bastap kiristi. Sonyń ishinde:

– Jaldamaly jumysshylar – jalaqynyń 1% (jumys berýshi aılyq jalaqydan ustap, qorǵa aýdaryp otyrady);

– Jeke kásipkerler – eń tómengi jalaqynyń 5% (aı saıynǵy tólem – 2975 teńge (ETJ – 42 500 teńge) tóleıdi;

«Sonymen qatar, Almatyda ózin-ózi jumyspen qamtyǵan 50 myńǵa jýyq adam turady. Bul sanatqa jaldamaly jumysshylar, jeke kásipker qataryna kirmeıtin azamattar jatady. Mysaly, jeke kóligimen adam tasıtyndar, sút satatyndar, bala kútýshisi bolyp jumys isteıtinder, ıaǵnı, kelisimshart bekitpeı-aq jeke tulǵaǵa qyzmet etetin jeke tulǵalar biryńǵaı jıyntyq tólem tóleýine bolady (BJT)», – dedi Nurlybek Qabdyqaparov.

Biryńǵaı jıyntyq tólem elimizde 2019 jyldyń 1 qańtarynan bastap engizilgen bolatyn. Jıyntyq tólemniń ishinde ózge de áleýmettik tólemderge qosa saqtandyrý jarnasy da bar. Ol jalpy somanyń 40 paıyzyn quraıdy. BJT – respýblıkalyq mańyzy bar qalalar úshin 1 aılyq eseptik kórsetkish (AEK) nemese 2525 teńge, aýyldyq jerler úshin – 0,5 AEK nemese 1263 teńge kóleminde belgilengen.

Sonymen qatar, óz betinshe tóleýshiler dep atalatyn sanat bar. Bul sanatqa jatatyn azamattar 1 ETJ-nyń 5% aýdarady.

Jarnany kez kelgen ekinshi deńgeıli bank, «Qazposhta» bólimsheleri, emdeý mekemelerinde ornalasqan «Kassa 24» termınaldary men Kaspi mobıldi qosymshasy arqyly tóleýge bolady.

«Áleýmetik medısınalyq saqtandyrý qory»

KEAQ Almaty qalalyq fılıalynyń

baspasóz qyzmeti

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir