09 Qańtar, 2020 NEWS

Almatylyq medısına uıymdarynda aýdıt júrgizildi

almaty.tv

Almatyda 888,4 myń turǵyn mindetti áleýmettik medısınalyq saqtandyrý paketine kiretin qyzmetterdi tegin paıdalana alady. Bul týraly medısınalyq saqtandyrý máseleleri jóninidegi respýblıkalyq shtab otyrysynda «Áleýmettik medısınalyq saqtandyrý qory» KEAQ Almaty fılıaly dırektory Nurlybek Qabdyqaparov habarlady.

«Bıyldan bastap jeńildigi bar 15 sanatqa jatatyn turǵyndarǵa saqtandyrý paketindegi qyzmetterdi memleket esebinen kórsetiledi. Qazirgi tańda shamamen Almaty turǵyndarynyń 44,7 prosenti atalǵan sanatqa kiredi», – dedi N.Qabdyqaparov.

Fılıal basshysy almatylyqtardy medısınalyq saqtandyrý júıesimen tolyqqandy qamtý, barlyq medısına uıymdardaǵy aqparattyq júıelerdi yqpaldastyrý, árbir turǵynnyń mártebesin anyqtaý máseleleriniń mańyzyn atap ótti. Aıtýynsha, 2018 jyldyń 1 qańtarynda qala boıynsha mártebesi anyqtalmaǵan 246 myń adam bolǵan. О́tken jyldyń sońynda 197 myń adamnyń saqtandyrý júıesindegi mártebesi anyqtaldy.

2020 jylǵa belgilengen jospar boıynsha, 159,2 mlrd teńgeniń qyzmeti satyp alynbaq. Onyń 103,5 mlrd teńgesi – tegin kómek paketine, 55,7 mlrd teńgesi – MÁMS paketine tıesili.

Sonymen qatar, bıylǵy jyly KT/MRT syndy baǵasy qymbat bolyp keletin qyzmetterge 3,8 mlrd teńgeden astam, onkologııalyq syrqattardy emdeýge 49 mln teńgeden astam qarjy qarastyrylǵan. Jalpy qala boıynsha 12 KT, 13 MRT apparaty bar, dedi N.Qabdyqaparov.

Densaýlyq saqtaý vıse-mınıstri Lázzat Aqtaeva Almaty qalasynyń MÁMS-ke daıyndyq deńgeıi joǵary ekenin atap ótti.

«Búgingi tańda medısına mekemelerindegi jumys oryndary kompıýtermen tolyq qamtamasyz etilgen. Memlekettik emhanalar men aýrýhanalar aqparattyq júıelerge qosylǵan. Sondaı-aq, MÁMS sheńberinde qalpyna keltirý, ońaltý, konsýltatıvtik-dıagnostıkalyq kómek pen stasıonardy almastyratyn kómekke bólinetin qarajat ta edáýir artyp otyr», – dedi vıse-mınıstr.

Aldyn ala berilgen málimetke súıensek, 2020 jyly halyqqa 269 medısına uıymy qyzmet kórsetedi. Onyń 131-i – tegin medısınalyq kómek paketi, 138-i – saqtandyrý paketi boıynsha jumys isteıdi. Qormen kelisimshart bekitken klınıkalardyń basym bóligi – jekemenshik.

Ilmek sózder: máms

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir