Toqaev: Azamattardyń shaǵymdary boıynsha naqty sheshimder bıýrokratııasyz qabyldanýy tıis

Búgin, 15 qańtarda Aqordada prezıdenttik kadr rezervine kirgen jastarmen kezdesý ótkizgen Qazaqstan prezıdenti Qasym-Jomart Toqaev azamattardyń shaǵymdary boıynsha naqty sheshimder bıýrokratııasyz qabyldanýy tıis ekenin aıtty. 

Toqaevtyń sózinshe, el azamattarynyń shaǵym, ótinishteri jedel qaralýy qajet. 

- Úshinshi qaǵıda - azamattardyń suranystaryna jedel ún qatý. Qazaqstandyqtardyń shaǵymy, ótinishi nemese júginýlerin jedel qaraý qajet. Olar boıynsha naqty sheshimder bıýrokratııasyz qabyldanýy tıis, - dedi Toqaev.

Prezıdenttiń aıtýynsha, aldaǵy jyldary memlekettik basqarý júıesinde bıýrokratııalyq prosesterdiń basym bóligi avtomattandyrylatyn bolady.

- Iаǵnı, belgili bir deńgeıde bul sizderdiń jumystaryńyzǵa da baılanysty bolmaq. Memlekettik sektor blokcheın, bıgdata, jasandy ıntellekti quraldaryn paıdalana bastaıdy. Osynaý tehnologııalarǵa negizdelgen memlekettik júıe qoǵam máselelerine aldyn ala áreket etýge jáne ózekti áleýmettik problemalardy der ýaqytynda sheshýge múmkindik beredi. Bul belgili bir deńgeıde erteńgi emes, búgingi kúnniń shyndyǵy. Biraq, ókinishke oraı memlekettik qyzmetshilerdiń barlyǵy birdeı muny túsine qoıǵan joq, - dedi Qasym-Jomart Toqaev.