Toqaev: Qazaqstanǵa jańa basqarý úlgisi qajet

Prezıdent Qasym-Jomart Toqaev Qazaqstanǵa jańa basqarý úlgisi qajet ekenin aıtty dep jazady Qamshy.kz aqparat agenttigi. 

"Qazaqstanǵa qoǵamnyń qajettilikterine saı, tıimdi jáne ádiletti jańa basqarý úlgisi qajet. Onyń ústine, ol eń zamanaýı tehnologııalardy paıdalanýǵa negizdelýi kerek", - dedi Memleket basshysy Prezıdenttik jastar kadrlyq rezerviniń múshelerimen kezdesýde.

"Ár adamnyń pikiri eskerilýi kerek. Ol úshin tıisti saıası tetikterdi ázirleý qajet. Belgili bir aımaq turǵyndarynyń memlekettik shyǵystarǵa qatysty pikirlerin eskerý úshin kópshiliktiń qatysýymen bıýdjettiń jobasy júzege asyrylady. Ashyq úkimettiń portaly azamattarǵa mańyzdy sheshimderdi talqylaýǵa múmkindik berýi kerek", - dedi prezıdent.