• USD 389.52
  • EUR 429.21
  • RUB 6.07
  • CNY 54.94
30 Qańtar, 04:22:29
Qazaqstan Ýkraınanyń saýda naryǵyna alańdaýly

15 Qańtar, 2020 NEWS

"Erdoǵan menen barlyǵyn tartyp aldy". Burynǵy túrik fýtbolshysy AQSh-ta taksı júrgizip júr

fakty.ua

Fýtboldan Túrkııa quramasynyń burynǵy oıynshysy, 2002 jylǵy álem chempıonatynyń qola júldegeri Hakan Shúkir Túrkııa úkimetimen bolǵan kelispeýshiliktiń kesirinen jumyssyz qalyp, AQSh astanasy Vashıngtonda taksı júrgizip júr.
 
Eurosport.ru saıtynyń jazýynsha, eks-fýtbolshynyń banktegi shottary buǵattalǵan. Álem chemponatyndaǵy eń jyldam goldyń avtoryna qysym onyń saıası kózqarasy úshin jasalǵan.
a
 
Hakan Shúkir birneshe jyl buryn prezıdent Erdoǵannyń partııasyna kirgen. Alaıda partııadaǵy jemqorlyq pen jumysty júrgizý tásili unamaǵandyqtan odan shyǵyp ketken.
 
Osydan keıin eks-fýtbolshy otanynda qysym kóre bastaǵan. Banktegi shottary buǵattalǵan. Bılik tarapynan teperish toqtamaǵan soń ol 2015 jyly otbasymen AQSh-qa kóship ketýge májbúr bolǵan.
 
2016 jyly Hakan Shúkir memlekettik tóńkeris jasamaq bolǵandarǵa qatysy bar dep aıyptaldy. Oǵan halyqaralyq izdeý jarııalanyp, ákesi túrmege qamaldy. Alaıda ákesi qaterli isikke shaldyqqandyqtan, uzamaı bostandyqqa shyǵaryldy.
 
Túrkııa bıligi fýtbolshyǵa AQSh-ta da tynyshtyq bermegen. О́ziniń sózinshe, páterin jalǵa bereıin dese, jalǵa alýshylarǵa tıise me dep qaýiptenedi. AQSh-ta ashqan kafesin belgisiz bireýler búldirgennen keıin amalsyz japqan.
 
"Meniń jumys isteýimniń sebebi – mende eshteńe qalmady. Erdoǵan menen bostandyǵymnan bastap, oı erkindigin, eńbek etý quqyǵymdy alyp qoıdy. Olar meniń áıelimniń dúkenine tas laqtyrdy, meniń balalaryma kóshede qoqan-loqqy jasaldy, men árbir jasaǵan úndeýimnen keıin qorqytý-úrkitý áreketterine tap boldym. Men elden ketkende olar ákemdi tutqyndady. Osy ýaqytqa deıin jınaǵan bar dúnıe-múlkimdi tárkiledi. Bul meniń otbasyma aýyr soqty. Meniń aınalamdaǵy barlyq adamdar qarjydan tarshylyq kórip keledi" - deıdi Hakan "Rekord" basylymyna bergen suhbatynda.
 
"Bosfor buqasy" laqap atymen tanymal eks-fýtbolshy "Galatasaraı", "Inter" jáne "Parma"  klýbtarynda oınaǵan. Túrkııa quramasy sapynda 100-den astam oıyn ótkizgen. 2002 jylǵy álem chempıonatynda qola júldeger atanǵan. Sol jarystaǵy úshinshi oryn úshin bolǵan oıynda Koreıa quramasynyń qaqpasyna 11 sekýndta gol soǵyp, chempıonattaǵy eń jyldam gol ıesi atanǵan.
Ilmek sózder: Hakan Shúkir

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir