• USD 389.52
  • EUR 429.21
  • RUB 6.07
  • CNY 54.94
30 Qańtar, 04:13:18
Qazaqstan Ýkraınanyń saýda naryǵyna alańdaýly

14 Qańtar, 2020 Saıasat

Bárekeldi: "Eger kóshe ataýlary ózgeretin bolsa, budan da kóp somany tóleýge daıynmyn" (vıdeo)

Qaraǵandyda sovettik eski ataýy ózgermegen kóshe attaryn aýystyrý boıynsha qoǵamdyq tyńdaý ótti dep habarlaıdy «Qamshy.kz» aqparat agenttigi

Foto: ashyq aqparat kózderinen

Bundaı mańyzdy jıynǵa shahardaǵy Dostyq úıi tańdalǵan. Myńnan astam adam qatysqan talqylaýda zalǵa syımaǵandar kórshi bólmede otyrýǵa májbúr boldy. Tıisinshe, jınalǵandardyń osy bóligi kezdesý barysyn  vıdeobaılanys arqyly kórýge múmkindik aldy.

Ádettegideı polısııa qyzmetkerleri de halyq "janynan" tabyldy. atalǵan saraıdyń ishi-syrtyn túgel baqylaýda ustady.

Eń keremeti sol,10 kósheniń ataýyn ózgertýdi jıylǵan jurt qýana qoldady. Onyń ishinde kómirli qaladaǵy Lenın dańǵylynyń atyn Abaı esimimen ataý jaıly usynys basty nazarǵa alynǵan. Daýys berý kezinde halyq "Lenın kerek emes, Abaı kóshesi dep atalsyn" dep aıqaılap óz oılaryn ashyq jetkizdi. 

"Ashyq jetkizdi" demekshi, pikir tyńdaý barysynda «qyryq kisi bir jaq, qyńyr kisi bir jaq» degendeı biren-saran qarsy ýáj aıtqandar da boldy. Kóbine olardyń daýysy qala turǵyndarynyń kóshe ataýlaryn aýystyrýdy qoldaǵan emısııaǵa toly ysqyryǵy men aıǵaıynan estilgen joq.

Sonyń ishinde Erjan Ryspaev esimdi qala turǵynyny: «Qanshama qarajatty bosqa kóshe atyn ózgertýge jumsaǵansha, aıaldamalardy jóndep joldyń sapasyn jaqsartpaısyńdar ma?», – dep pikir bildirdi. Sonymen birge, kóshe boıyndaǵy ataýlar jazylǵan taqtaıshalardy aýystyrý quny da narazy eki-úsheýdi qatty "ýaıymdatqan".   

Usynysty qyzý qoldaǵan turǵyndar pikirine súıensek, mundaı qarsy oı buǵan deıin de aıtylyp kelgen. Bul – qala kóshelerindegi maǵynalyq quny qalmaǵan eski ataýlary saqtap qalýdyń úırenshikti amaly bolatyn.

Alaıda, dál osyndaı kilteń tusta jergilikti kásipker – «Nátıje» kompanııasynyń basshysy Erlan Áshim sóz alyp, shahardaǵy 10 kósheniń ataýyn aýystyrýǵa jumsalatyn shyǵyndy bir ózi-aq tólep beretinin jetkizdi. 

"Sizder salyq týraly aıtyp jatyrsyzdar. Men kásipker retinde respýblıkalyq bıýdjetke jyl saıyn 250 - 300 mıllıon teńge, al oblystyq bıýdjetke 500 mıllıon teńge salyq tóleımin. Eger kóshe ataýlary ózgeretin bolsa budan da kóp somany tóleýge daıynmyn. Kóshe boıyndaǵy taqtaıshalardy aýystyrý shyǵynyn ózim-aq kóterip alamyn" – deıdi ol. 

Osylaısha, osyǵan deıin árkez "fınalda" kóshe atyn aýystyrýdaǵy shyǵyndy kóldeneń tartatyn toptyń aýzyna birjolata qum quıyldy. 

 

 

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir