"Bul jigittiń ulttyq minezi joq eken".  Darhan Ábdikti synǵa aldy

Jýrnalıst Asıa Asetkına bul týraly óziniń Feısbýk jelisindegi paraqshasynda jazdy dep habarlaıdy «Qamshy.kz» aqparat agenttigi.

Avtordyń bulaı aıtýyna Darhan Ábdiktiń «Jetisý» telearnasyna bergen suhbatynda: «Ultshyldyq degen óte úlken kompleks jáne óte úlken kúná» dep aıtýy sebep bolǵan. Atalǵan pikir áleýmettik jelide de úlken ańys qozǵaǵan bolatyn.

Osy rette, biz erkin pikir alańy retinde avtordyń ruqsatymen jelidegi jazbasyn jarııalaýdy jón kórdik. Pikir redaksııanyń kózqarasyn bildirmeıdi. Ári ashyq oıly oqyrmannyń qos avtordyń ultty súıý tóńiregindegi ózara paradoks paıymyna alyp-qosar dáleldi pikiri bolsa, ony da jarııalaýǵa daıynbyz.

Sonymen, Asıa Asetkına pikiri qaz-qalpynda:

«Darhan Ábdiktiń Jetisý arnasyndaǵy "Qateligin" ("Qatelik" atty baǵdarlamasyn aıtyp otyr – red.) sońyna deıin tyńdap shyqtym. Uqqanym – "kompleksovannyı" kazahstanes – Darhan Ábdiktiń bálkim bilimi mol shyǵar, biraq "Ultyna, jurtyna qyzmet etý – bilimnen emes, minezden" – dep Álıhan babamyz aıtyp ketkenindeı, bul jigittiń minezi, ulttyq minezi joq eken. Jáne osynda kóbi sony "keremet aıtty" dep qoldap otyr. Bul – qasiret!
Alashtyń ardaqtysy – Álıhan Bókeıhan atamyz kezinde túrmede otyrǵan Mirjaqyp Dýlatulyna jazǵan hatynda: "Madııar (Mirjaqypty solaı ataǵan), alda áli Kúndi kóre alatyn urpaq keledi. Sol kúndi kóre alatyn urpaq bizdi rızashylyqpen, zor qurmetpen eske alatyn bolady. О́kinbeńder, kúres jolyna túskenderińe ókinbeńder!.." degen edi. Qaıran, alashtyqtar..! О́zderiń úmit etken "kúndi kóre alatyn" urpaǵyńnyń: "Qazaq handyǵynyń qurylýy eń úlken qatelik".... "Ultty súıý – kompleks" dep kókip otyrǵanyn kórip, kórlerińde ókirip jatqan bolarsyńdar...»

Oqı otyryńyz: Darhan Ábdik: «Eger sol bólinýler bolmaǵanda bizdiń búgingi atymyz qazaq bolmas edi»