13 Qańtar, 2020 Saıasat

Áblıazovtyń "sybaılasy" delingen reseılik kásipker AQSh-ta sottalǵaly jatyr

Rusmonitor.com

Qýǵyndaǵy qazaqstandyq eks-bankır Muhtar Áblıazovtyń "sybaılasy" delingen reseılik kásipker Aleksandr Ýdovenko Vashıngton mańyndaǵy qalalardyń birinde ustalǵannan keıin AQSh sotynda jaýap berdi. Bul týraly Eureporter.co aqparat agenttigi habarlady.

Aleksandr Ýdovenko 2009 jyly Londonnan qashyp ketkeli beri is-tússiz. Basylymnyń jazýynsha, Ýdovenko Londonda Ábilıazovtyń múddesi úshin jumys istegen jáne "BTA Bankinen" mıllıardtardy jeke shottarǵa aýdarý úshin paıdalanǵan ofshorlyq kompanııalardyń keń jelisin qurýǵa qatysqan. Keıin Ýdovenko Amerıkaǵa kóship, Merılend shtatynda "ınvestısııalyq keńesshi" bolyp jumys istegen.

Basylymnyń habarlaýynsha, brıtan soty reseılik kásipkerdiń "Áblıazovtyń basty seriktesteriniń biri" bolǵanyn anyqtaǵan. Sot aıyptaýynda ol "urlanǵan aqshany tasymaldaý úshin paıdalanylǵan júzdegen ofshorlyq kompanııalardyń" nomınaldy ıesi jáne ákimshisi retinde áreket etkeni aıytylǵan.

Aktıvi jaǵynan Qazaqstandaǵy eń iri bankterdiń biri bolǵan BTA bank jetekshisi Muhtar Áblıazovti Qazaqstan bıligi 2017 jyly "mıllıardtaǵan somany jymqyrdy", "qylmystyq top qurdy" dep aıyptap, 20 jylǵa sottady. Keıin, 2018 jyly ony "adam óltirýge tapsyrys berdi" degen aıyppen ómir boıyna bas bostandyǵynan aıyrý jazasyna kesti. Al 2018 jyldyń naýryz aıynda Astana soty Áblıazov qurǵan QDT (Qazaqstannyń demokratııalyq tańdaýy - red.) qozǵalysyn "ekstremıstik uıym" dep tanydy. 2009 jyldan beri shetelde turatyn Áblıazov bul aıyptardyń báriniń saıası astary bar ekenin aıtyp, joqqa shyǵaryp keledi. 

Ilmek sózder: Muhtar Áblıazov

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir