Aqtaýda 70 jastaǵy áıel adam ekinshi qabattan qulap kóz jumdy

Aqtaýda 70 jastaǵy áıel adam 2-qabattan qulap qaıtys boldy. Bul týraly Mańǵystaý oblystyq densaýlyq saqtaý basqarmasynyń baspasóz qyzmeti habarlady. 

Densaýlyq saqtaý basqarmasynyń habarlaýynsha, 2-qabattan qulaǵan áıel adamdy 5-shaǵynaýdan, 39-úıdiń artynda qansyrap jatqan jerinen turǵyndar kórip, tańerteńgi saǵat 8.40 shamasynda jedel járdemge habar bergen.

"Dárigerler sol jerde áıel adamnyń sol jaq bilek súıeginde jabyq synyq, urshyq súıeginiń sol jáne oń jaǵyna zaqym kelgenin anyqtady. Shuǵyl túrde Mańǵystaý oblystyq aýrýhanasynnyń qabyldaý bólmesine jetkizildi. О́kinishke qaraı, saǵat 9:45 shamasynda esin jımaı, kóz jumdy" - deıdi oblystyq densaýlyq saqtaý basqarmasynyń baspasóz hatshysy Nurbol Okýov. 

Al oblystyq polısııa departamenti baspasóz qyzmetiniń málimetinshe, ázirge bul is tergelýde.

"Atalǵan derek Qylmystyq kodeksiniń 105-babyna sáıkes sotqa deıingi biryńǵaı tizilimge tirkeldi. Sotqa deıingi tergeý amaldary júrip jatyr. Sot-medısınalyq saraptama taǵaıyndaldy" - deıdi oblystyq polısııa basqarmasy baspasóz qyzmetiniń basshysy Aıgerim Ibatýllaeva.