Tegerandyq stýdentter aıatolly Hameneıdiń ketýin talap etti

Iran astanasy Tegeranda Ámir Qabyr atyndaǵy tehnologııalyq ýnıversıtet ǵımaratynyń aldyna myńǵa jýyq stýdent jınalyp, eldegi joǵarǵy kóshbasshy aıatolly Álı Hameneıdiń doǵarysqa ketýin  talap etti. 

"Basqolbasshy ketsin" dep urandatqan stýdentter ırandyq áskerılerdiń Ýkraına ushaǵyn kezdeısoq atyp túsirgenine narazy.

Sharıf atyndaǵy tehnologııalyq ýnıversıtet stýdentteri de oqý orny ǵımaratynyń aldynda bılikke qarsylyqtaryn bildirip, aksııa ótkizdi. Ushaq apatynan qaıtys bolǵan 10 stýdent osy ýnıversıtetti bitirgen.

Bılik ereýilshilerdiń taraýyn talap etip, keıbirin ustaǵan. Ustalǵandardyń arasynda Ulybrıtanııanyń Irandaǵy elshisi de bar.

Úkimettik IRNA agenttiginiń habarlaýynsha, aıatolla Hameneı ushaq apatyna sebep bolǵan salǵyrttyqty zertteýge buıryq bergen.

Hameneı jiberilgen qateliktiń dáleli baryn, endigári mundaı qaıtalanbas úshin shara qoldanýdy tapsyrdy.

Iran parlamenti búgin apat boıynsha ashyq otyrys ótkizbek.

Prezıdent Roýhanı bolsa, bolǵan qaıǵyly oqıǵa Irannyń qabyrǵasyn qaıystyratynyn málim etip, kinálilerdiń jazalanatynyn aıtty.

AQSh prezıdentti ereýilshilerdi qoldap, týıtterde parsy tilinde jazba qaldyrdy. Ol ereýilshilerdiń "batyldyǵyna shabyttanǵanyn" aıtqan.