11 Qańtar, 2020 Saıasat
unian.net
Iran bıligi ýkraınalyq avıakompanııanyń ushaǵyn baıqaýsyzda zymyranmen atyp túsirgenin aıtqannan keıin Ýkraına prezıdenti Vladımır Zelenskıı málimdeme jasady.
"Búgingi kún jaqsy bastalmady, biraq shyndyqtyń beti ashyldy. Halyqaralyq komıssııa óz jumysyn aıaqtamaı turyp Iran óz kinásin moıyndady", - dep jazdy Zelenskıı óziniń facebook paraqshasynda.
Zelenskıı Ýkraına Irannyń óz kinásin tolyq moıyndaýyn jáne resmı túrde keshirim suraýyn talap etetinin aıtty. Sonymen qatar, Kıev bolǵan oqıǵalardy tolyq jáne ashyq tergeýdi, kinálilerdi jaýapqa tartýdy, ólgenderdiń denelerin qaıtarýdy jáne ótemaqy tóleýdi kútetinin eskertti.
"Bolashaqta tergeý jasandy kidirister men kedergilersiz jalǵasady dep senemiz. Bizdiń 45 maman ádildik ornatý úshin barlyq tekserý jumystaryna tolyq qatysýy kerek", - dedi Zelenskıı.
8 qańtarda Iran astanasy Tegeranda ýkraınalyq laıner apatqa ushyraǵan bolatyn. Apattan ushaq ishinde bolǵan 167 jolaýshy, 9 ekıpaj múshesiniń bári qaza tapty. Búgin Irandyq áskerıler ýkraınalyq laınerdi abaısyzda atyp túsirgenin moıyndady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir