• USD 468.56

  • EUR 497.56

  • RUB 7.3

  • CNY 67.18

29 Naýryz, 16:18:46
Almaty
+35°

QR Parlamenti Májilisiniń tóraǵasy Nurlan Nyǵmatýlın jumys barysymen О́skemendegi eńbekpen qamtý ortalyǵynda bolyp, kópbalaly analarmen jáne ortalyq qyzmetkerlerimen kezdesti.

Basqosýda QR Parlament Májilisiniń tóraǵasy ortalyqqa kelýshilerdiń áleýmettik jaǵdaıyn surady. Sondaı-aq Nurlan Nyǵmatýlın ataýly áleýmettik kómektiń jańa túrine baılanysty qujatttardy rásimdeý barysymen, mekemedegi qyzmet kórsetý sapasymen jáne basqa da ózekti máselelermen tanysty. Budan soń Májilis spıkeri bıyldan bastap kópbalaly analarǵa memlekettik járdemaqy jańa formada taǵaıyndalatynyn taǵy bir márte atap ótti.

– Kópbalaly analarǵa tıesili memlekettik járdemaqy endi bala sanyna qaraı 42 myń 500 teńgeden 74 myń teńge aralyǵyn qamtıdy. Atap óterligi, bul járdemaqyny tóleýde otbasynyń kirisi esepke alynbaıdy. Jalpy ataýly áleýmettik kómekti tóleýdiń mindetti sharty – eńbekke ornalastyrý, – dedi Nurlan Nyǵmatýllın.

Esterińizge sala keteıik, «Eńbek» baǵdarlamasy boıynsha tegin bilim alýǵa bolady. Osy maqsatta memlekettik bıýdjet esebinen tıisti qarajat bólingen. Máselen ótken jyldyń 11 aıy ishinde elimiz boıynsha 12 myń azamatqa ataýly áleýmettik kómek taǵaıyndalyp, olar jeke kásipterin ashqan. Sondaı-aq, 120 myń aýyl azamaty ózderiniń jeke sharýashylyqtarynyń jumysyn shıratyp, jolǵa qoıǵan.

Basqosýda Nurlan Nyǵmatýllın óskemendik analardan bul mekemeniń qyzmetine kóńilderi qanshalyqty tolatynyn jáne ataýly áleýmettik kómekti jańa formatta rásimdeý barysynda qandaı qıyndyqtar týyndaıtynyn surady. Al turǵyndar bolsa, mekeme mamandarynyń qyzmetine oń baǵalaryn berdi. On eki balanyń anasy Evgenııa Cherkashına óz januıasy jóninde tarqata aıtyp, balalaryn jastaıynan eńbekke, masyldyqtan aýlaq bolýǵa baýlyp keletinin jetkizdi. Kelesi kópbalaly ana Shynar Jáberova ózine ataýly áleýmettik jumys istep júrgenin aıtty.

Mekeme jumysymen tanysyp, halyqpen emin-erkin suhbattasqan Májilis tóraǵasy ortalyq jumysyna oń baǵasyn berdi. Sondaı-aq Nurlan Nyǵmatýlın bıyl bul mekemeniń budan birneshe ese úlken ǵımaratqa kóshiriletinin, onda kelýshilerdiń qolaılyǵy úshin barlyq jaǵdaı jasalatynyn da atap ótti.

"Qamshy" silteıdi
Ilmek sózder: N.Nyǵmatýlın sapary

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir