• USD 468.56

  • EUR 497.56

  • RUB 7.3

  • CNY 67.18

29 Naýryz, 02:49:50
Almaty
+35°

Shyǵys Qazaqstan oblysyna jumys barysymen barǵan Parlament májilisiniń tóraǵasy Nurlan Nyǵmatýlın eń aldymen Semeı soqty.

Parlament májilisiniń tóraǵasy «Jıdebaı-Bórili» memlekettik tarıhı-mádenı jáne ádebı-memorıaldyq qoryq-mýzeıinde boldy.

Abaıdyń ádebı-memorıaldyq murajaıy aqynnyń týǵanyna 95 jyl tolýy qarsańynda Qazaq SSR-niń Halyq Komıssarlar keńesiniń 1940 jyldyń 1 sáýirinde quryldy. Sóıtip, 16 qazanda mýzeı kelýshilerge esigin aıqara ashty. Qazirgi tańda mýzeı qorynda 21 myńnan astam eksponat bar. Onyń ishinde respýblıkalyq mańyzy bar tarıhı jáne mádenı 5 eskertkish pen jergilikti deńgeıdegi mańyzy bar 10 eskertkish saqtalǵan.

Qonaqtar «Abaı dáýiri» jáne «Abaıdyń shyǵarmashylyq aınalasy» men «Kóneniń kózi» atty ekspozısııalyq zaldardyń jumysymen tanysty. Onda kelýshilerge mýzeı dırektory munda qundy jádigerlerdiń saqtalǵandyǵyn atap ótti. Osy zalda Abaıdyń 1885 jyly dosy N.Dolgopolov arqyly berip jibergen zattary bar. Onyń ishinde ártúrli turmystyq zattar, jıhazdar, tipti fotosýretter bar. Máselen ańǵa shyǵýǵa arnalǵan beldik, qazaq zergerleriniń qolynan shyqqan torsyq, mýzykalyq aspaptar jáne taǵy basqalar.

Zaldardyń birinde Abaıdyń uldary Aqylbaı jáne Turaǵulmen túsken sýretteri saqtalǵan. Bul sýret 1896 jyly túsirilgen. Sýretti mýzeı qoryna Muhtar Áýezov ótkizgen. Taǵy bir zalda kelýshilerdiń nazaryna sol zamandaǵy kólik túrleri usynylǵan. Zaldan Jıdebaıda turǵan tarantastyń kóshirmesin baıqaýǵa bolady. Bul zattyń kóshirmesi uly aqynnyń 150 jyldyq mereıtoıyna oraı 1995 jyly ázirlengen. Ony kezinde Abaıdyń ekinshi áıeli Áıgerim Yrǵyzbaıdyń aýylyna kelin bolyp túsken Batet Ázimhanqyzyna tartý etken. Mýzeı qoryndaǵy qobdıshany Aıdar Kenjetileýuly ákep bergen.

Ekskýrsııa sońynda QR Parlament Májilisiniń tóraǵasy mýzeı qyzmetkerlerine alǵysyn bildirip, jumystaryna tabys tiledi.

Aıta keteıik, Nurlan Nyǵmatýlın Semeıge eń aldymen arnaıy keldi. Ol Abaıdyń 175 jyldyq mereıtoıy qarsańynda uly aqynnyń týyp ósken jeri men shyǵarmashylyǵynan mol aqparat aldy. Osyǵan deıin Nurlan Nyǵmatýllın halyq ártisi Bıbigúl Tólegenovadan poetıkalyq estafetany qabyl alyp, «Júrek – teńiz, qyzyqtyń bári – asyl tas» atty óleń joldaryn jatqa oqydy.

Semeıge jumys saparymen kelgen Nurlan Nyǵmatýlın Qaraǵaıly yqsham aýdanyndaǵy kópfýnksıonaldy mádenı-sporttyq keshenge bas suqty. Atalmysh nysan Táýelsizdik merekesi qarsańynda qoldanysqa berilgen bolatyn. Keshen barlyq halyqaralyq standartqa sáıkes salynǵan. Onda ártúrli sport túrlerinen jarystar uıymdastyrýǵa bolady. Basseınde týrnırler ótkizip, júzýmen jáne akvaaerobıka, sýǵa sekirý syndy basqa da sport túrlerimen aınalysýǵa múmkindik bar. Aýqymdy sporttyq keshenniń jalpy aýmaǵy 33,8 myń sharshy metrdi quraıdy. Onyń qurylysyn Semeıdegi «Fırma Azııa» JShS otandyq kompanııasy júrgizdi. Jobanyń jalpy quny 26 mıllıard teńgeni quraıdy.

Nurlan Nyǵmatýlın bul keshenniń álemdik standarttarǵa sáıkes salynǵanyn jáne munda aýqymdy sharalardy ótkizýge barlyq jaǵdaı jasalǵanyn atap ótti.

Budan soń QR Parlament májilisiniń tóraǵasy Semeıdegi jedel járdem aýrýhanasyna at basyn tirep, jurtshylyqpen kezdesý ótkizdi.

"Qamshy" silteıdi
Ilmek sózder: Nyǵmatýlın sapary

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir