• USD 389.52
  • EUR 429.21
  • RUB 6.07
  • CNY 54.94
28 Qańtar, 14:41:51
Qazaqstan Ýkraınanyń saýda naryǵyna alańdaýly

10 Qańtar, 2020 NEWS

"Sergekten" túsetin aqsha qaıda ketedi?

businessmir.kz

Bul suraqtyń jaýaby Almatyda joldaǵy qaýipsizdikti qamtamasyz etý máseleleri boıynsha ótken baspasóz máslıhatynda berildi.
 
Jıynǵa Almaty qalasy polısııa departamenti ákimshilik polısııa basqarmasynyń bastyǵy Jandos Muratalıev, «Sergek» jobasyn basqarý boıynsha dırektor Bıbigúl Aıtúkenova, sonymen qatar saraptama qoǵamdastyǵy men jurtshylyq ókilderi: táýelsiz Avtomobıl odaǵynyń tóraǵasy Edýard Aleksandrovıch Edokov, qoǵam ókili Dýman Qapasov qatysty.

Almatydaǵy joldardyń qaýipsizdigin qamtamasyz etý maqsatynda «Sergek» fotovıdeofıksasııa men taldaý jobasy engizilip, 400 apparattyq-baǵdarlamalyq keshen ornatyldy. Atalǵan jobany memlekettik-jekeshelik seriktestik aıasynda Almaty qalasynyń polısııa departamenti jáne qazaqstandyq IT kompanııamen birge «Kórkem Telekom» JShS júzege asyrýda. Búgingi kúni barlyq qondyrǵylar Almaty qalasynyń polısııa departamentine berilgen.

Almatydaǵy apparattyq-baǵdarlamalyq keshender mynadaı JKO túsirip alady, olar:

-         jyldamdyqty asyrý;

-         baǵdarshamnyń tyıym salǵan dybysyn elemeý;

-         jolaq talabyn buzý, toqtaý jelisinen ótý;

-         qoǵamdyq kólikke bólingen jolaqqa shyǵyp ketý.

Bulardan ózge, «Sergek» júıesi jaıaý júrginshilerdiń rettelmegen ótpeli joldaryn baqylaıdy.

«Ákimshilik aıyppuldar eń sońǵy tıynyna deıin memlekettik bıýdjetke túsedi. О́zge óńirlerde jol-kólik oqıǵalary azaıdy», – dedi BAQ ókilderiniń suraqtaryna jaýap bergen Almaty qalasy polısııa departamenti ákimshilik polısııa basqarmasynyń bastyǵy Jandos Muratalıev.

Túsken qarajattyń barlyǵy joldaǵy qaýipsizdikti qamtamasyz etý sharalaryna jumsalýda.

J. Muratalıev óziniń sózinde JKO sanynyń artýy saldarynan apat jıi bolatyn jerlerge «Sergek» keshenin ornatý týraly sheshim qabyldanǵanyn aıtty. Munda azamattardyń usynystary da eskerildi. Olardan 30 myńnan astam usynys túsken.

«Sergek» júıesi joldaǵy jaǵdaıdy «jasandy ıntellekt» jáne kompıýterlik kórý arqyly taldaıdy. Árbir apparattyq-baǵdarlamalyq keshendegi qysqa jáne jalpy baǵytty sholý kameralary tek qozǵalys bóligin ǵana emes, qaladaǵy qoǵamdyq qaýipsizdikti de baqylaıdy. Jol-kólik qozǵalysy buzylǵan jaǵdaıda málimetter jol qozǵalysy qaýipsizdiginiń avtomatty aqparattyq júıesine beriledi, ákimshilik polısııa ony teksergen soń ǵana tártip buzǵandarǵa aıyppul tóleý úshin jiberiledi.

Buryndary mundaı joba Nur-Sultan qalasynda qolǵa alynǵan edi. «Sergek» jobasyn basqarý boıynsha dırektor Bıbigúl Aıtúkenova jyl ishinde JKO boıynsha adam ólimi deńgeıiniń eki ese qysqarǵanyn aıtty.

О́z kezekterinde saraptama qoǵamdastyǵy men jurtshylyq ókilderi de «Sergek» júıesiniń jumysy mańyzdy ekenin atap ótti.

Táýelsiz Avtomobıl odaǵynyń tóraǵasy Edýard Aleksandrovıch Edokov «Sergekti» engizý álemdik tájirıbege saı ekenin aıtty.

«Sergekterdi» engizý durys ári paıdaly dep esepteımin. Bul qatardaǵy álemdik tájirıbe. Bizderdi, júrgizýshilerdi jol-kólik qozǵalysy kezinde baqylaý, al erejeni buzatyn bolsaq, jazalaý qajet. Qazirgi kezde osy taqyrypqa qatysty kóterligen haıp tolqyny birinshi kezeń ǵana, birtindep barlyǵymyz oǵan úırenetin bolamyz», –  dedi E.Edokov.

Sarapshy kezinde jol qozǵalysy qaýipsizdigin saqtaýda mańyzdy shart – beldikti taǵý týraly erejeni kópshiliktiń jatyrqaı qabyldaǵanyn eske túsirdi.

«Bárimiz úshin paıdaly ári qarapaıym ádis, erejeni buzbaý, bar bolǵany sol ǵana. Erejeni buzbaıtyn bolsań eshkimge, polısııaǵa da, memleketke de tólemeısiń. О́z jolyńmen kete beresiń. О́ziń de qaýipsizsiń, ózgeler de qaýipsiz. Mundaı kameralar kóp bolsa, bárimizge paıdaly», –  dep atap ótti Edýard Edokov.

«Qazaqstannyń veloqaýymdastyǵy» qoǵamdyq birlestiginiń ókili Dýman Qapasov «Sergek» kesheniniń kóliktiń barlyq túrlerin júrgizý mádenıetin arttyratynyn, kólik qozǵalysyna qatysýshylardyń barlyǵynyń, ásirese jaıaý júrginshiler men velosıpedshilerdiń qaýipsizdigine oń yqpal etetinin aıtty.

Ilmek sózder: Sergek

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir