• USD 389.52
  • EUR 429.21
  • RUB 6.07
  • CNY 54.94
30 Qańtar, 04:06:35
Qazaqstan Ýkraınanyń saýda naryǵyna alańdaýly

10 Qańtar, 2020 NEWS

"Araltuz" AQ-nyń basshysy kásiporynnyń Qytaıǵa satylmaǵanyn aıtty (vıdeo)

Mail.kz

Sońǵy ýaqytta áleýmettik jelilerde «Araltuz» AQ óniminiń sapasy týraly taralyp jatqan túrli aqparatqa qatysty "Araltuz" kompanııanyń prezıdenti Aıdynbek Taýasarov pikir bildirdi. Ol Qyzylorda oblystyq ishki saıasat basqarmasynyń Feısbýktegi paraqshasynda jarııalandy.

"Araltuz" tuzy quramynda tabıǵı mıneraldardan – epsomıtterden jáne astrahanıtterden turatyn tabıǵı erimeıtin tunba bar, olar aǵza úshin absolıýt beıtarap bolyp tabylady. О́ńdeýge kelip túsetin shıkizat – ekologııalyq taza. "Araltuz" AQ barlyq ónimderin EAEQ aýmaǵynda akkredıttelgen táýelsiz zerthanalar tekseredi, osy zerthana tıisinshe sáıkestik deklarasııasyn bergen. Biz "Araltuz" AQ as tuzynyń ekologııalyq taza bolyp tabylatynyn jáne álemdik standarttarǵa sáıkes keletinin senimdilikpen málimdeı alamyz" delingen A. Taýasarov málimdemesinde.

1925 jyldan bastap as tuzyn óndirip kele jatqan kompanııa ónimi Qazaqstanmen qatar TMD elderinde suranysqa ıe. Qazir kásiporynda 1200-den astam jergilikti turǵyn eńbek etedi.

Aıdynbek Taýasarov "Araltuzdyń" menshik ıeleri kompanııa qurylǵannan beri qazaqstandyq kásipkerler bolyp kele jatqandyǵyn atap ótken. Qazirgi tańda da kásiporynnyń 100 paıyz aksııasy qazaqstandyq kásipkerlerge tıesili. Kásiporyn eshqandaı qytaılyq tarapqa satylmaǵan jáne úlesine qytaılyqtar qosylmaǵan.

Osyǵan sáıkes, "Araltuz" AQ sońǵy ýaqytta áleýmettik jelilerde taratylyp jatqan aqparattyń shyndyqqa sáıkes kelmeıtinin resmı málimdeıdi.

"Araltuz" AQ ónimderi QR ST MEMST R 51574- 2003 «Qaınatylǵan as tuzy. Tehnıkalyq sharttar» standartyna qatań sáıkestikte shyǵarylady. Kompanııa ISO 9001, ISO 22000, HACCP jáne halal sertıfıkattaryna ıe.

О́nimderdi aýysym-aýysymmen shyǵarý kezinde, joǵaryda kórsetilgen standarttyń 5.9 t. sáıkes kem degende 6 saǵatta bir ret sertıfıkattalǵan zerthanada tuzdyń sapasy tekseriledi. Kompanııa tuzdyń organıkalyq jáne fızıkalyq-hımııalyq kórsetkishteri synaqtarynyń nátıjelerin turaqty túrde tirkep otyrady. Sonymen qatar, "Araltuz" AQ barlyq ónimderin EAEQ aýmaǵynda akkredıttelgen táýelsiz zerthanalar tekseredi, osy zerthana sáıkestik deklarasııasyn bergen.

"Araltuz" AQ óndiretin as tuzy ekologııalyq jaǵynan taza jáne álemdik standarttarǵa sáıkes ónim.

Sondaı-aq áleýmettik jelilerde "Araltuz" AQ-nyń áleýmettik máseleler jónindegi vıse-prezıdenti Áýezhan Naǵashybaıdyń máseleniń anyq-qanyǵyn aıtqan vıdeojazbasy taralýda.

Áýezhan Naǵashybaı vıdeoda kásiporynnyń Qytaıǵa satylyp ketti, onda qytaılyqtar jumys jasap jatyr, tuz quramyna adam densaýlyǵyna zııandy qospalar qosylýda degen aqparattardy joqqa shyǵardy.

 

Ilmek sózder: Araltuz

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir