• USD 389.52
  • EUR 429.21
  • RUB 6.07
  • CNY 54.94
28 Qańtar, 14:45:32
Qazaqstan Ýkraınanyń saýda naryǵyna alańdaýly

10 Qańtar, 2020 NEWS

Tramp: Ýkraına ushaǵyn Iran abaısyzda atyp túsirgen

24.kz

Aqparat quraldary «Ýkraınannyń áýe joldary kompanııasyna tıesili Boeing ushaǵyn Iran qarýly kúshteri abaısyzda atyp túsirdi», dep habarlap jatyr. Bul týraly AQSh prezıdenti Donald Tramp pen Kanada premer-mınıstri Djastın Trıýdo málimdeme jasady, dep jazady Qamshy.kz aqparat agenttigi 24.kz-ke silteme jasap.

AQSh prezıdenti Donald Tramp Tegeran túbinde Ýkraınanyń Boeing ushaǵynyń apatyna tehnıkalyq aqaý sebep degenge o bastan kúdiktengen. Onyń «laınerdi qatelesip atyp túsirýi múmkin» degen sózi de osyny ańǵartady. 

- Meniń óz boljamym bar. Bul orny tolmas úlken qaıǵy. Ushaq qaýipti aımaqta ketip bara jatqan. Keıbireýler apatqa tehnıkalyq aqaý sebep deıdi. Biraq men bul pikirmen kelispeımin, - deıdi ol.

Aq úı basshysy «barlyǵyna kóz jetkizý úshin Iran tarapy Boeing-tiń qara jáshikterin oqýdy ózge elderge berý kerektigin aıtty. «Mysaly, Fransııaǵa nemese kanadalyq mamandardyń kómegine súıený kerek», dep otyr.

Al Irannyń azamattyq avıasııa basqarmasynyń basshysy Alı Abedzade «ýkraınalyq laınerdi Iran kúshteri baıqaýsyzda atyp túsirdi» degen boljamdy joqqa shyǵaryp otyr. Onyń aıtýynsha, ushaq áýejaıdan kóterilgen soń 5 mınýttaı ushqan. Biraq tehnıkalyq aqaýǵa baılanysty apatqa ushyraǵan. Oǵan ekıpajdyń ushaqty áýejaıǵa keri burýǵa talpynysy kýá degendi aıtady.

Ony Irannyń ózge de mamandary qoldap otyr.

- Eger bul ushaq Iran zymyranymen atyp túsirildi degen boljamdy ustanatyn bolsaq, laıner oǵan tıgen bombadan jarylyp, kókte byt-shyt bolyp shashylýy kerek edi. Mundaı jaǵdaıda onyń qaldyqtary kóptegen shaqyrymǵa shashyraýy tıis. Al áýe kóliginiń bólshekteri shashyramaǵanyn eskersek, ol aqaýdan órtenip baryp qulaǵan dep aıtýǵa bolady, - deıdi Irannyń burynǵy ushqyshy Hýshang Shahbazı.

Kanada premeri D.Trıýdonyń sózinshe, málimetter Boeing-ke zymyran tıgenin kórsetedi.

- Qolda bar málimetterge qaraǵanda, onyń ishinde bizdiń odaqtas eldiń barlaý qyzmetteriniń aqparlary da bar, ushaq Irannyń zymyranymen atyp túsirilgen. Aıǵaqtar jer-aýa sanatyna jatatyn zymaran qoldanylǵanyn kórsetedi, - deıdi ol.

Ilmek sózder: Ushaq apaty

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir