Premer-mınıstrdiń orynbasary Berdibek Saparbaevtyń aıtýynsha, arnaıy jumys toby qurylyp onyń quramyna belgili ǵalymdar, sarapshylar jáne t.b. engizilgen.
"Biz halyqaralyq tájirıbeni zerttep, zeınetaqy jınaqtaryn paıdalanýǵa qatysty Prezıdent ákimshiligine usynystar engizdik. Men barlyǵy jınaqtalǵan somaǵa baılanysty bolatynyn atap ótkim keledi", – dedi ol.
Saparbaev búgingi tańda qazaqstandyqtardyń ortasha ómir súrý uzaqtyǵy 73 jyl ekenin aıtty.
"Zeınetaqy qorynda shottary bar qazaqstandyqtardyń jartysyna jýyǵynda – 1 mln teńgeden artyq emes. Al jetkilikti soma – shamamen 10 mln teńgeden 12 mln teńgege deıin. Mundaı sommamen bizde 102 myń adam ǵana bar", – dep naqtylady ol.
Saparbaev atap ótkendeı, dál osy adamdar turǵyn úı qoryn paıdalanýǵa nemese emdelýge ruqsat bergisi keledi.
"Másele bizdiń kepildi mindetti medısınalyq kómek kórsetý nemese MÁMS jelisi boıynsha kózdelmegen emdeý túrleri týraly bolyp otyr. Bul usynys ázirshe Prezıdent ákimshiliginde sheshim tapqan joq. Qandaı sheshim qabyldanǵany týraly biz sizderge habarlaıtyn bolamyz", – dep atap ótti premer-mınıstrdiń orynbasary.
Turǵyn úı satyp alý úshin zeınetaqy aqshasyn paıdalaný jónindegi usynystar jaqyn arada prezıdenttiń qaraýyna engizetin bolady.
Pikir qaldyrý
pikir