Qazaqstannyń ındýstrııa jáne ınfraqurylymdyq damý mınıstrligi el azamattaryna  Bek Air áýe kompanııasynyń ushaqtaryna bılet almaýǵa keńes berdi. Bul týraly mınıstrlik óziniń Telegram paraqshasy arqyly habarlady.

"Bek Air áýe kompanııasynyń eksplýatant sertıfıkatynyń belgisiz merzimge toqtatylýyna baılanysty, azamattarǵa atalǵan áýe kompanııanyń reısterine bıletter satyp almaýǵa keńes beriledi" - delingen vdemostvo taratqan habarlamada.

Almaty áýejaıy mańyna qulaǵan «Bek Air» ushaǵyna qatysty málimetterdi myna jerden bilýge bolady.

2019 jyldyń 27 jeltoqsan kúni tańerteń Almaty áýejaıy mańyna Bek Air áýe kompanııasynyń Fokker-100 ushaǵy qulady. Almaty áýejaıy baspasóz qyzmetiniń habarlaýynsha, ushaqta 93 jolaýshy men bes ekıpaj múshesi bolǵan. Resmı oryndardyń deregin negizge alǵan birqatar BAQ bastapqyda 15 adamnyń qaza tapqanyn habarlaǵan edi. Keıinirek premer-mınıstrdiń orynbasary Roman Sklıar ushaq apatynan 12 adamnyń qaza bolǵanyn málimdedi. Olardyń arasynda ekıpaj komandıri Marat Muratov ta bar. Osy apatqa baılanysty Qazaqstan prezıdenti Qasym-Jomart Toqaev  28 jeltoqsandy jalpyulttyq aza tutý kúni dep jarııalaǵan edi.


Ilmek sózder: Bek Eır Ushaq apaty

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir