08 Qańtar, 2020 NEWS

Trapmtyń Iranǵa soǵys ashý pıǵylyn amerıkalyqtardyń kóbi qoldamaı otyr

Foto: dw.com

 
AQSh prezıdenti Donald Tramptyń Iranǵa qatysty áreketterin otandastarynyń jartysynan kóbi qoldamaıdy. Bul týraly Reuters agenttigi júrgizgen pikirterim nátıjesinde belgili boldy, dep jazady Qamshy.kz aqparat agenttigi "Golos Amerıkı" saıtyna silteme jasap.

Saýalnama qorytyndysyna saı, eresek amerıkalyqtardyń 53 paıyzy prezıdenttiń Iranǵa qatysty saıasatyn qoldamaıdy. Bundaı pikirdegiler jeltoqsannyń orta sheginde júrgizilgen saýalnamaǵa qatysýshylardan 9 paıyzǵa artyq. Kelispeıtinderin aıtqandardyń 39 paıyzy Iranǵa qatysty áreketke úsildi-kesildi qarsylyǵyn bildirgen.

Tramp áreketine qatysty eldegi basty partııalardyń kózqarasy da qaq jarylyp otyr. Demokrattar men táýelsiz saılaýshylar prezıdent saıasatymen kelispeıtinderin aıtsa, respýblıkashyldar qoldap otyr.

Irandaǵy jaǵdaı prezıdent reıtıngine kóp áser ete qoımaǵan. Tramp jumysyna 41 paıyz amerıkalyqtardyń kóńili tolsa, 54 paıyzy qarsy pikirde.

3-6 qańtarda júrgizilgen saýaldanama barysynda amerıkalyqtardyń 41 paıyzy Iran AQSh-qa qater tóndiredi dep esepteıtini anyqtaldy. Zertteýge qatysqandardyń 71 paıyzy AQSh aldaǵy birneshe aıda Iranmen soǵysady dep jaýap bergen.

Buǵan deıin, 3 qańtarda Islam revolıýsııasy korpýsynyń "Qudys kúshteri" arnaıy jasaǵynyń qolbasshysy Súleımanı Irak astanasy Baǵdattyń áýejaıynda AQSh-tyń áýe shabýyly kezinde qata tapqan. Artynsha shabýyl jasaýǵa AQSh prezıdenti Donald Tramptyń buıryq bergeni anyqtaldy. Buǵan shamdanǵan Iran AQSh-tan kek alatynyn málimdedi.

Ilmek sózder: Tramp Iran

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir