• USD 468.56

  • EUR 497.56

  • RUB 7.3

  • CNY 67.18

29 Naýryz, 02:20:49
+35°

Búgin, 6 qańtarda Shyǵys Qazaqstan oblysy Zaısan qalasynda bastalǵan Qytaı qazaqtary Qaster Musahanuly men Murager Álimulynyń soty keıinge qaldyryldy. Sot bastalyp, kýálerden jaýap alyna bastaǵanda isti júrgizgen sýdıa Shynar Ospanova kelesi otyrys 21 qańtar kúni ótetinin aıtyp, sotty toqtatty.

Sotqa jınalǵan belsendiler sot otyrysynyń keıinge qaldyrylýyna narazylyq bildirip, sýdıa Ospanovaǵa shaǵym aıtty. Al eki jigittiń advokaty Lázzat Ahatova sýdıanyń sot otyrysyn keıinge qaldyrýyn "sotqa jınalǵan azamattarǵa qurmetsizdik" dep, joǵary sotqa shaǵym túsiretinin aıtty. 

Belsendiler sýdıa sheshimine narazylyq bildirip, bılikti synaı bastaǵanda, prokýratýra ókilderi azamattarǵa bul jınalyp turǵandary "zańsyz" ekenin aıtyp, "tarańyzdar" degen eskertý jasady. 

О́tken jyly qazan aıynda Qytaı qazaqtary Qaster Musahanuly men Murager Álimulynyń Qytaı-Qazaqstan shekarasyn kesip ótip, Almatyǵa kelgen. Almatydaǵy adam quqyǵyn qorǵaý bıýrosynda ótken baspasóz máslıhatynda Qaster Musahanuly Shyńjańdaǵy "saıası lagerde qamaýda bolǵanyn", Murager Álimuly Qytaıda "qysym kórgeni" úshin shekarany kesip ótkenin aıtty. Al Qazaqstan Ulttyq qaýipsizdik komıteti (UQK) Musahanuly men Álimulyn "shekaradan zańsyz ótti" dep aıyptap, О́skemen qalasyndaǵy tergeý ızolıatoryna jetkizgen.

Qazaqstan bıliginen bosqyn mártebesin suraǵan Qytaıdyń eki azamatyna qazan aıynyń sońynda "pana izdeýshi tulǵa" kýáligi berilgen edi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir