• USD 389.52
  • EUR 429.21
  • RUB 6.07
  • CNY 54.94
28 Qańtar, 14:40:01
Qazaqstan Ýkraınanyń saýda naryǵyna alańdaýly

06 Qańtar, 2020 NEWS

"Qytaıda belgisiz indet tarady": Qazaqstandyqtarǵa eskertý jasaldy

news.ru

Áleýmettik jelide "Qytaıda shyǵý tegi belgisiz, qaýipti indet tarady" degen aqparat qyzý talqylanyp jatyr. Alaıda atalmysh aqparat resmı túrde rastalmaǵan. 

Taýarlar men qyzmetterdiń sapasy men qaýipsizdigin baqylaý komıtetiniń resmı ókili Erjan Baıtanaevtyń habarlaýynsha, jeltoqsan aıynyń sońynan bastap Hýbeı provınsııasynyń Ýhan qalasynda (Qytaı) resmı túrde halyqtyń etıologııasy anyqtalmaǵan pnevmonııamen aýyrýynyń 44 jaǵdaıy tirkelgen.

Bul týraly Qamshy.kz aqparat agenttigi tengrinews.kz saıtynyń deregin negizge alyp habarlaıdy.

"Infeksııa qozdyrǵyshy osy ýaqytqa deıin anyqtalmaǵan. Kóptegen jaǵdaı qalalyq jańa teńiz ónimderi bazarymen baılanysty, onda qustyń ár túri, qoıan, jylan jáne basqa da baýyrymen jorǵalaýshylar satyldy", - dep túsindirdi ol. 

"Osyǵan baılanysty osy elge sapardy josparlaý kezinde Qytaıda shyqqan belgisiz pnevmonııamen aýyrý jaǵdaılary týraly aqparatty nazarǵa alýdy suraımyz", - dep tolyqtyrdy Erjan Baıtanaev. 

Búginde Nur-Sultan qalasynan Beıjiń, Sanıa jáne Úrimshi qalalaryna, Almatydan Beıjiń, Sanıa, Haıkoý, Sıan jáne Úrimshi qalalaryna tikeleı áýe reısteri júrip jatyr.

QHR-ǵa baratyn tulǵalarǵa komıtette respıratorlyq ınfeksııalardyń aldyn alýdyń negizgi sharalaryn saqtaýdy usyndy:

  • Jiti respıratorlyq juqpalar belgileri bar adamdarmen baılanysýdan saqtaný.
  • Jıi qoldy jýý, ásirese naýqas adamdarmen nemese olardyń ortasymen tikeleı baılanysqannan keıin 
  • Fermalardaǵy janýarlarmen nemese jabaıy janýarlarmen janasýdan aýlaq bolý.
  • Jedel respıratorlyq ınfeksııa sımptomdary paıda bolǵan kezde medısınalyq kómekke júginińiz.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir