• USD 389.52
  • EUR 429.21
  • RUB 6.07
  • CNY 54.94
29 Qańtar, 22:04:40
Qazaqstan Ýkraınanyń saýda naryǵyna alańdaýly

04 Qańtar, 2020 NEWS

Toqaev jańa jylda alǵash ret jıyn ótkizdi

Akorda.kz

Búgin, 4 jeltoqsanda Qazaqstan prezıdenti Qasym-Jomart Toqaev prezıdent ákimshiligi basshylyǵymen 2020 jylǵy jumystardyń basym baǵyttary jóninde jıyn ótkizdi. Bul týraly Aqorda saıty habarlady.

Aqordanyń jazýynsha, Toqaev ótkizgen jıynda eldiń áleýmettik-ekonomıkalyq, qoǵamdyq-saıası damýy men syrtqy saıasat jónindegi máseleleri talqylanǵan. 2020 jylǵa josparlanǵan negizgi is-sharalar tizbesi qaralǵan.

"Abaıdyń 175 jyldyǵy men Ál-Farabıdyń 1150 jyldyǵyn atap ótýdi uıymdastyrý sharalary da pysyqtaldy. Sondaı-aq aımaqtardy ekonomıkalyq jáne áleýmettik damytý jónindegi is-sharalar men 2020 jyldyń I toqsanyna josparlanǵan mańyzdy máseleler talqylandy. Jıyn qorytyndysy boıynsha, Qasym-Jomart Toqaev memlekettik basqarýdyń tıimdiligin arttyrý jáne ózekti áleýmettik máselelerdi sheshýdegi jumystardy kúsheıtý boıynsha naqty tapsyrmalar berdi" - delingen Aqorda taratqan habarlamada. 

Bul - prezıdent Toqaevtyń 2020 jyly ótkizgen alǵashqy jıyny.

Toqaev 2020 jyl bastalǵan kezde Qazaqstan halqyn Jańa jyl merekesimen quttyqtady. Sonymen qatar prezıdent 2 qańtarda Qostanaı oblysy Qostanaı aýdanynyń Zatobol kentin aýdandyq mańyzy bar qalalar sanatyna jatqyzý týraly qaýly bekitip, Zatobol kentin Tobyl degen ataýǵa ózgertti. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir