31 Jeltoqsan, 2019 Saıasat
Toqaev Pýtındi Qazaqstanǵa shaqyrdy
Memleket basshysy Qasym-Jomart Toqaev Reseı prezıdenti Vladımır Pýtınmen telefon arqyly sóılesti dep habarlaıdy «Qamshy.kz» aqparat agenttigi Aqorda baspasóz qyzmeti deregin negizge alyp.
aikyn.kz
Ortaq áńgime barysynda memleket basshylary eki el arasyndaǵy jan-jaqty yntymaqtastyq pen strategııalyq seriktestiktiń qarqyndy damyp kele jatqanyn erekshe atap ótken. Sondaı-aq,qalyptasqan senimdi baılanystar Qazaqstan men Reseıdiń ortaq iste odan ári jaqyndaı túsýine yqpal etetini sóz boldy.
«Jaqyndaı túsý» demekshi, Qasym-Jomart Toqaev Vladımır Pýtındi kelesi jyly elimizge resmı saparmen kelýge shaqyrdy.
Budan soń memleket basshylary ekijaqty jáne kópjaqty formattaǵy birlesken jumystardy jalǵastyra berýge ýaǵdalasty. Sonymen qatar, prezıdentter birin-biri jańa jylmen quttyqtaǵan.
Eske sala keteıik, Memleket basshysy buǵan deıin Belarýs Respýblıkasynyń prezıdenti Aleksandr Lýkashenko jáne О́zbekstan Respýblıkasynyń prezıdenti Shavkat Mırzııoevpen telefon arqyly sóılesken bolatyn. Osy barysta ol Aleksandr Lýkashenkomen Belarýstiń 2020 jyly Eýrazııalyq ekonomıkalyq odaq uıymyna tóraǵalyq etýine baılanysty eýrazııalyq ıntegrasııa aıasyndaǵy ózara is-qımyldardy odan ári damytý jóninde pikir almassa, Shavkat Mırzııoevpen áńgime barysynda О́zbekstandaǵy Qazaqstan jylynyń tabysty ótkenine erekshe mán bergen.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir