30 Jeltoqsan, 2019 NEWS

«Ushaqtyń senimdi ekeni kórinip tur»: Bek Air áýekompanııasy basshysy pikir bildirdi

Iá, qazaqstandyqtar senimsizdik tanytqan, jıyrma úsh jyldyq tarıhyn qazyp «ábden tozyǵy jetip qulady» degen ushaq «senimdi» bolyp shyqty. Senimdiligi sol, ushaqtyń janarmaıy tógilmegen.

ktk.kz

Bul týraly Almaty áýejaıynda ótken baspasóz máslıhatynda kompanııa basshysy Nurlan Jumasultanov aıtty dep habarlaıdy «Qamshy.kz» aqparat agenttigi.

Nurlan Jumasultanov áýeli oqıǵadan keıin kompanııa eseńgirep qalǵandyqtan, únsiz bolǵandaryn jetkizdi.  Budan soń ol ushaq apatynan burynǵy jaǵdaılardy aıta kelip:

«Baǵyttan kishkene aýytqýdyń saldary qorshaý men ǵımaratqa soqtyǵysýǵa ákeldi. Bul qurylys qaýipti obektiniń janynda qalaı bolýy múmkin degen suraq týyndaıdy. Ǵımarat qorshaýǵa jaqyn ornalasqan. Prezıdent qurylystyń zańdylyǵyn anyqtaý úshin tapsyrma berdi. Buryndary qatań shekteý bolatyn. Eger osy kedergiler bolmaǵan jaǵdaıda, múmkin adam shyǵynynan qashyp qutylýǵa bolar edi degendi oılap otyrmyz. Sondaı-aq ushaqtyń senimdi ekeni kórinip tur. Janarmaı tógilip qalǵan joq",  – dedi ol.

Osylaısha, kompanııa basshysy áýe apatynan keıin qazaqstandyqtar senimsizdik tanytqan ushaqtyń senimdi ekenin «kórip» qoıǵan. Ári apatqa aıtylǵan ǵımarattyń da «kináli» bolǵanyn eske saldy.

Aıta keteıik, kezdesýdi QR Indýstrııa jáne ınfraqurylymdy damytý mınıstrligi uıymdastyrdy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir