• USD 389.52
  • EUR 429.21
  • RUB 6.07
  • CNY 54.94
28 Qańtar, 14:44:02
Qazaqstan Ýkraınanyń saýda naryǵyna alańdaýly

30 Jeltoqsan, 2019 NEWS

Bek Air kompanııasynyń basshylyǵy ushaq apatynyń yqtımaldy sebebin atady

express-k.kz

Almatyda ótken baspasóz máslıhatynda Bek Air áýekompanııasy ushý qyzmetiniń jetekshisi Erık Saparov Fokker 100 ushaǵynyń apatqa ushyraýyna "seriktik iz" ıaǵnı áýege kóterilgen ushaq sońynan ilesetin quıyn sııaqty qubylys sebep bolýy múmkin ekenin aıtty.

Onyń aıtýynsha, Fokker 100-diń aldynda áýege jańa qozǵaltqyshty, 89 tonnalyq Airbus 321 laıneri áýege kóterilgen. Ushaq úlken, aýyr bolǵan saıyn "seriktik iz" de soǵurlym kúshti bolady.

– Airbus 321-dyń ushý ýaqyty – 07:19. Jyldamdyǵy – 180 ýzel (340 km/saǵ) bolǵan. Al Fokker 100-diń ushý ýaqyty – 07:20. Jyldamdyǵy – 155 ýzel (287,1 km/saǵ). Aradasy 1 mınýt. Fokker 100-diń aldynda ushyp ketken borttan qýatty "seriktik iz" paıda bolǵan. Eki ushaq arasyndaǵy ýaqyttyq ınterval kemi 2 mınýtty quraýy kerek. Fokker 100 áýege kóterilgennen 6 sekýnd ótkende 19,6 fýt (6 metr) bıiktikte shaıqalyp, qısaıa bastaǵan. Ár sekýnd saıyn, birese ońǵa, birese solǵa qaraı. Ushaqtyń bulaısha shaıqalýyna ne sebep? Aýa-raıy qalypty boldy. Bizdińshe, oǵan "seriktik iz" sebep bolǵan. Bizdiń nusqamyz osyndaı, – deıdi Erık Saparov.

Baspasóz jıynynda ushaq jolynda kezikken qurylys bolmasa qurbandar az bolýy múmkin edi degen boljam aıtylyp, áýejaı mańynda turǵyzylǵan úıdiń zańdylyǵyna nazar aýdaryldy.

 

Ilmek sózder: ushaq apaty

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir