27 Jeltoqsan, 2019 NEWS

Atyraýda bir top azamat Maks Boqaevty bosatýdy talap etti

Foto: dixinews.kz

Bul týraly Jeńis Quspan atty facebook qoldanýshysy óziniń paraqshasynda jazyp, talap qoıǵan bir top adamnyń vıdeosyn jarııalady.

"Bizder, atyraýlyqtar, Maks Boqaevtyń densaýlyǵyna alańdaýlymyz. Maks Bokaev óziniń jerin qorǵaımyn dep, jerim sheteldikterge satylmasyn degeni úshin bes jylǵa sottalyp, qazir Aqtóbe kolonııasynda otyr. Bizge jetken aqparat boıynsha Maks Boqaev densaýlyǵy nasharlap, aıaǵyn basa almaı qalypty. Biz Maks Bokaevqa sapaly emdeý talap etemiz. Qalaǵa shyǵaryp, emdeýdi talap etemiz. Sonymen qatar Maks Boqaevqa bostandyq talap etemiz" deıdi vıdeo joldaýshylar.

Maks Boqaev 2016 jyly 24 sáýirde "jer máselesi" boıynsha sherýge shyqqannan keıin "buqaralyq sharada jalǵan aqparat taratý", "áleýmettik, ulttyq, rýlyq, násildik, taptyq nemese dinı alaýyzdyq týdyrý" jáne "jınalys, mıtıng, pıket, sherý, demonstrasııa ótkizýdiń tártibin buzý" baptary boıynsha bes jylǵa sottalǵan. 

Ilmek sózder: Maks Boqaev

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir