Qazaqstandyq boksshy Gennadıı Golovkın Almaty mańynda bolǵan ushaq apatyna baılanysty qaza bolǵandardyń otbasy men jaqyndaryna kóńil aıtty. Bul týraly ol óziniń Twitter-degi paraqshasynda jazdy.

"Almaty mańyndaǵy ushaq apatynan qaza bolǵandardyń otbasylary men jaqyndaryna qaıǵyryp kóńil aıtamyn. Sizdermen birge duǵadamyz. Zardap shekkenderediń barlyǵyna tez saýyǵyp ketýlerin jáne kúsh-qýat tileımin", – dep jazdy Golovkın.

Búgin, 27 jeltoqsan kúni tańerteń Almaty áýejaıy mańyna Bek Air áýe kompanııasynyń Fokker-100 ushaǵy qulady. Almaty áýejaıy baspasóz qyzmetiniń habarlaýynsha, ushaqta 93 jolaýshy men bes ekıpaj múshesi bolǵan. Resmı oryndardyń deregin negizge alǵan birqatar BAQ bastapqyda 15 adamnyń qaza tapqanyn habarlaǵan edi. Keıinirek premer-mınıstrdiń orynbasary Roman Sklıar ushaq apatynan 12 adamnyń qaza bolǵanyn málimdedi. Olardyń arasynda ekıpaj komandıri Marat Muratov ta bar.

Osy apatqa baılanysty Qazaqstan prezıdenti Qasym-Jomart Toqaev  28 jeltoqsandy jalpyulttyq aza tutý kúni dep jarııalady.

 

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir