• USD 468.56

  • EUR 497.56

  • RUB 7.3

  • CNY 67.18

28 Naýryz, 18:56:00
Almaty
+35°

Qazaqstan prezıdenti Qasym-Jomart Toqaev Aqordada Almatydaǵy ushaq apatyna baılanysty shuǵyl keńes ótkizdi. Bul týraly Aqordanyń resmı saıty habarlady. 

Aqordanyń habarlaýynsha, jıynǵa premer-mınıstr Asqar Mamın, prezıdent ákimshiliginiń jetekshisi Erlan Qoshanov, bas prokýror Ǵızat Nurdáletov, ulttyq qaýipsizdik komıteti tóraǵasy Kárim Másimov, ishki ister mınıstri Erlan Turǵymbaev, aqparat jáne qoǵamdyq damý mınıstri Dáren Abaev, densaýlyq saqtaý mınıstri Eljan Birtanov qatysqan. Al qaýipsizdik keńesiniń tóraǵasy Nursultan Nazarbaev shuǵyl keńeske qatysqan joq. Onyń ornyna qaýipsizdik keńesiniń hatshysy Qalmuhamet Qasymov Toqaev ótkizgen shuǵyl jıynǵa qatysty.

Jıynda Toqaev Qazaqstan halqynyń jáne jeke óziniń atynan qaza bolǵan azamattardyń otbasylary men jaqyndaryna kóńil aıtyp, premer-mınıstr Asqar Mamınniń, bas prokýror Ǵızat Nurdáýletovtiń, ishki ister mınıstri Erlan Turǵymbaevtyń jáne Densaýlyq saqtaý mınıstri Eljan Birtanovtyń esepterin tyńdaǵan.

Aqorda taratqan habarlamada Toqaevtyń qaza bolǵan azamattardyń otbasylaryna 4 mıllıon teńge kóleminde materıaldyq kómek kórsetýdi tapsyrǵany jazylǵan.

"Qaıtys bolǵandardyń jaqyndaryna jan-jaqty psıhologııalyq jáne medısınalyq qoldaý kórsetiledi. Sonymen qatar zardap shekkenderdiń barlyǵyna qajetti kómek beriledi. 28 jeltoqsandy jalpyulttyq aza tutý kúni dep jarııalaǵan prezıdent elimizdegi memlekettik týlardy tómen túsirýge jáne barlyq oıyn-saýyq sharalaryn toqtatýǵa tapsyrma berdi" - delingen Aqorlda taratqan habarlamada.

Aqordanyń jazýynsha, Toqaev keńes barysynda ushaq apatyna soqtyrǵan sebepterdi sapaly ári obektıvti túrde tekserýge, "Qazaqstannyń avıasııalyq ákimshiligi" aksıonerlik qoǵamyn bilikti mamandarmen qamtý jumystaryn tolyq aıaqtaý sharalaryn qabyldaýǵa, qaýipsizdik talaptaryna sáıkestendirý úshin barlyq áýe kompanııalarynyń jumystary men avıasııalyq ınfraqurylym nysandaryn tekserýge tapsyrma bergen.

Buǵan qosa, Toqaev bas prokýratýra men ishki ister mınıstrligine qozǵalǵan qylmystyq is aıasynda ushaq apatyna soqtyrǵan sebepterdi anyqtaý, kinálilerdi zańǵa sáıkes jaýapkershilikke tartý, sondaı-aq, Almaty áýejaıynyń aýmaǵyna jaqyn ornalasqan jeke qurylystardyń zańdylyǵyn zertteý jóninde shara qabyldaýdy tapsyrdy.

Búgin, 27 jeltoqsan kúni tańerteń Almaty áýejaıy mańyna Bek Air áýe kompanııasynyń Fokker-100 ushaǵy qulady. Almaty áýejaıy baspasóz qyzmetiniń habarlaýynsha, ushaqta 93 jolaýshy men bes ekıpaj múshesi bolǵan. Resmı oryndardyń deregin negizge alǵan birqatar BAQ bastapqyda 15 adamnyń qaza tapqanyn habarlaǵan edi. Keıinirek premer-mınıstrdiń orynbasary Roman Sklıar ushaq apatynan 12 adamnyń qaza bolǵanyn málimdedi. Olardyń arasynda ekıpaj komandıri Marat Muratov ta bar.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir