MÁMS. Bilip júrgenińiz jón

«Birinshi kezeńdegi  medısınalyq ońaltý sharalary» bıznes-prosesi

Pasıentti gospıtalızasııalaý bastapqy medısınalyq sanıtarlyq kómek mamandarynyń joldamasy nemese basqa da medısınalyq uıymnyń gospıtalızasııalaý bıýrosy aqparattyq júıesiniń kútý paraǵyna tirkeý arqyly josparly túrde júrgiziledi. Keıin josparly gospıtalızasııalaý talony beriledi.

Stasıonarda jumys isteıtin maman gospıtalızasııaǵa jiberilgen pasıentterdiń tizimin kúnde qarap, beıini boıynsha bos oryndar týraly málimet daıyndaıdy. Osylaısha 9.30-ǵa deıin gospıtalızasııalaý bıýrosy aqparattyq júıesiniń tirkeý paraǵy portalyndaǵy bos oryndarǵa engizedi. Qabyldaý bóliminde pasıentterdi qabyldaý men tirkeý uıymnyń bekitilgen kestesi boıynsha jumys ýaqytynda kómekke júgingen ýaqyttan 60 mınýt ishinde júrgiziledi.

Dárigerdiń taǵaıyndaý paraǵy men medısınalyq karta gospıtalızasııalaý bıýrosy aqparattyq júıesindegi №907 buıryqqa sáıkes 003/ý formasy boıynsha rásimdeledi.

Qajet bolǵan jaǵdaıda qabyldaý bóliminde konsılıým uıymdastyrylady (dıagnozdy qoıyp, emdeý taktıkasyn anyqtaý maqsatynda keminde úsh joǵary biliktiligi bar bir sala mamandary nemese basqa maman pasıentke qosymsha tekserýler júrgizedi). Tolyq tekserýden keıin medısınalyq qarsy kórsetilimder bolmaǵan jaǵdaıda pasıent beıindi bólimge jatqyzylady.

Emdelýshi men densaýlyq saqtaý uıymy arasynda №418 buıryqqa sáıkes medısınalyq kómek kórsetý boıynsha tıptik kelisim-shart jasalady. Medısınalyq qyzmet pasıentten nemese onyń zańdy ókilinen emdeý dıagnostıkalyq sharalaryn júrgizýge erikti túrde kelisim berilgen soń kórsetiledi.

Pasıent aýrýhanaǵa túsken kúni dáriger ony tekserip, qajet em-domdardy jazyp beredi jáne ol týraly emdelýshini habardar etedi. Sondaı-aq, ony demalys jáne mereke kúnderinen basqa kezde kún saıyn tekserip turady. Klınıkalyq dıagnoz gospıtalızasııalanǵan kúnnen bastap 3 kúntizbelik kúnnen keshikpeı bólim basshylyǵymen birge qoıylady. Eger kezekshi dáriger pasıentti qarap nemese qosymsha dıagnostıkalyq jáne emdeý sharalaryn júrgizse, medısınalyq kartaǵa mindetti túrde jazba qaldyrady. Pasıenttiń jaǵdaıy kúrt nasharlaǵan jaǵdaıda kezekshi dáriger bólim basshysyna/emdeýshi dárigerge aıtady. Osylaısha dıagnostıka jáne emdeý prosesine engizilgen ózgertýler boıynsha ózi taǵaıyndaǵan em boıynsha kelisim alyp, stasıonarlyq naýqastyń elektrondyq tirkelimi aqparattyq júıesindegi medısınalyq kartaǵa jazba engizedi.

Stasıonardan emdelip shyqqan pasıentke 027/ý jáne 107/ý formasy boıynsha ońaltý kartasy beriledi. Ol jerde klınıkalyq dıagnoz, júrgizilgen dıagnostıkalyq zertteýler kólemi men emdeý sharalary, ary qaraıǵy baqylaý men emdelý týraly usynymdar jazylady (ambýlatorlyq polıklınıkalyq kómek, bastapqy medısınalyq sanıtarlyq kómek boıynsha kúndizgi stasıonarda medısınalyq kómek kórsetý, táýlik boıǵy stasıonarda kúndizgi kómek kórsetý nemese qalpyna keltirý emi jáne medısınalyq ońaltý kómegi (ekinshi kezeń). Bul jazbalar  stasıonarlyq naýqastyń elektrondyq tirkelimi aqparattyq júıesine jáne gospıtalızasııalaý bıýrosyna aýrýhanadan shyqqan naqty ýaqytymen dál sol kúni engiziledi.

«Ekinshi kezeńdegi medısınalyq ońaltý» bıznes prosesi

Ekinshi kezeńdegi qalpyna keltirý emi men medısınalyq ońaltý stasıonardaǵy naýqastyń elektrondyq tirkelimi aqparattyq júıesinde jańadan tikereledi. Emdelýshi men densaýlyq saqtaý uıymy arasynda №418 buıryqqa sáıkes medısınalyq kómek kórsetý boıynsha tıptik kelisim-shart jasalady. Medısınalyq qyzmet pasıentten nemese onyń zańdy ókilinen emdeý dıagnostıkalyq sharalaryn júrgizýge erikti túrde kelisim berilgen soń kórsetiledi. Medısınalyq ońaltý nozologııaǵa, pasıent jaǵdaıynyń aýyrlyq dárejesine jáne jumys isteýdiń halyqaralyq jiktelýi negizinde bıoáleýmettik fýnksııalardyń buzylýyna baılanysty balmen qalpyna keltirý dárejesimen ońaltý marshrýttaý shkalasy boıynsha mýltıtártiptik top mamandarynyń qatysýymen júzege asyrylady (stasıonar jaǵdaıynda 2-4 ball).

Pasıent aýrýhanaǵa túsken kúni dáriger ony tekserip, qajet em-domdardy jazyp beredi jáne ol týraly emdelýshini habardar etedi. Sondaı-aq, ony demalys jáne mereke kúnderinen basqa kezde kún saıyn tekserip turady. Medısınalyq karta (027/ý) men ońaltý kartasyna (107/ý formasy) emdeý boıynsha jazbalar engiziledi. Pasıenttiń jaǵdaıy kúrt nasharlaǵan jaǵdaıda kezekshi dáriger bólim basshysyna/emdeýshi dárigerine aıtady. Osylaısha dıagnostıka jáne emdeý prosesine engizilgen ózgertýler boıynsha ózi taǵaıyndaǵan em boıynsha kelisim alyp, medısınalyq jáne ońaltý kartalaryna jazba engizedi.

Stasıonardan emdelip shyqqan pasentke 027/ý jáne 107/ý formasy boıynsha ońaltý kartasy beriledi. Ol jerde klınıkalyq dıagnoz, júrgizilgen dıagnostıkalyq zertteýler kólemi men emdeý sharalary, ary qaraıǵy baqylaý men emdelý kórsetiledi (APK deńgeıinde qalpyna keltirý jáne medısınalyq ońaltý sharalaryn kórsetý (3 kezeń), sondaı-aq pallıatıvti kómek pen medbıke kútimi).

Eger úshinshi kezeńdegi qalpyna keltirý jáne medısınalyq ońaltý qajet bolmasa, medısınalyq kómek kórsetý aıaqtalady.

Bul jazbalar stasıonarlyq naýqastyń elektrondyq tirkelimi aqparattyq júıesine jáne gospıtalızasııalaý bıýrosyna aýrýhanadan shyqqan naqty ýaqytymen dál sol kúni engiziledi.

«Úshinshi kezeńdegi medısınalyq ońaltý» bıznes prosesi

О́z erkimen qozǵala alatyn pasıentterdi medısınalyq ońaltý (nemese qosymsha qurylǵynyń kómegimen), sondaı-aq qarqyndy emdeýdi qajet etpeıtin bolsa, em-dom táýlik boıǵy nemese kúndizgi stasıonarda júrgiziledi.

Medısınalyq ońaltý kýrsy aıaqtalǵan soń úılestirýshi dáriger qolhat arqyly pasıenttiń qolyna №907 buıryǵymen bekitilgen jáne ońaltý sharalary kórsetilgen medısınalyq kartanyń 027/ý formasy boıynsha kóshirmesin beredi. Sondaı-aq «Gospıtalızasııalaý bıýrosy» aqparattyq júıesinde elektrondy formatta 027/ý formasy jasalady.

Ambýlatorlyq kezeńde bastapqy medısınalyq sanıtarlyq kómek kórsetetin jalpy praktıka dárigeri (ýchaskelik dáriger/terapevt) beıindi mamandar jáne mýltıtártiptik komanda mamandarmen birlese otyryp medısınalyq kórsetilimder men qarsy kórsetilimderdi, medısınalyq ońaltýdy júrgizý úshin uıymdastyrý kezeńin anyqtaıdy jáne jeke ońaltý baǵdarlamasynyń bóligin qalyptastyrady. Medısınalyq ońaltý boıynsha kórsetilgen qyzmetter medısınalyq aqparattyq júıege engiziledi.

Mýltıtártiptik komandany (MTK) úılestirýshi dáriger basqarady. Ol medısınalyq reabılıtologııa suraqtary boıynsha oqytýdan ótken MTK qyzmetiniń jetekshi dárigeri jáne úılestirýshisi. MTK quramynda:

• úılestirýshi dáriger
• reabılıtolog dáriger («Medısınalyq reabılıtologııa, qalpyna keltirý emi (fızıoterapııa, emdik dene shynyqtyrý, kýrortologııa) (eresekter, balalar) boıynsha joǵary medısınalyq bilimi bar);
• psıhologııa salasyndaǵy maman («psıhıatrııa» (narkologııa, medısınalyq psıhologııa) mamandyǵy boıynsha joǵary medısınalyq bilimi bar nemese medısınalyq emes (pedagogıkalyq) «psıhologııa» mamandyǵy boıynsha joǵary bilimi bar);
• emdik mádenıet boıynsha jattyqtyrýshy maman (medısınalyq, medısınalyq emes (pedagogıkalyq) joǵary bilimi bar);
• emdik mádenıet boıynsha nusqaýshy maman, emdik dene shynyqtyrý kabınetiniń medbıkesi (orta medısınalyq jáne medısınalyq emes (pedagogıkalyq) bilimi bar);
• eńbek terapııasy boıynsha nusqaýshy maman (medısınalyq emes (pedagogıkalyq) joǵary bilim);
• eńbek terapııasy boıynsha nusqaýshy maman (orta medısınalyq jáne medısınalyq emes (pedagogıkalyq) bilim);
• fızıoterapııalyq kabınettiń medbıkesi; kútim boıynsha medbıke; áleýmettik jumysker.

Úılestirýshi dáriger pasıentti MTK mamandarynan quralǵan beıindi mamandar konsýltasııasyna jiberedi. Olar baǵalaý testin ótkizip, MTK qorytyndysyn shyǵarady. Munda qyzmet kórsetetinder:

• «dástúrli terapııa» beıini boıynsha joǵary medısınalyq bilimi bar maman (refleksoterapııa, manýaldy terapııa, sý-djok-terapııa, gomeopatııa, gırýdoterapııa, fıtoterapııa jáne t.b.)
• «fýnksıonaldy dıagnostıka» beıini boıynsha joǵary bilimi bar maman;
• «otorınolarıngalogııa (sýrdologııa) (eresek, balalar)», «oftalmologııa (eresek, balalar)», «terapııa (dıetologııa)», "psıhıatrııa (narkologııa, medısınalyq psıhologııa) (eresek, balalar)" beıini boıynsha joǵary bilimi bar maman;
• massaj kabınetiniń medbıkesi;
• logoped, defektolog muǵalim, sýrdolog muǵalim, tıflopedagog, tárbıeshi, balalardy oqytatyn muǵalim (pedagog), áleýmettik pedagog, mýzyka muǵalimi;
• Joǵary nemese orta medısınalyq nemese medısınalyq emes bilimi bar ortezıst maman;

Ary qaraı emdelýshi reabılıtolog dárigerdiń konsýltasııasyna barady, keıin orta medısınalyq qyzmetker medısınalyq ońaltý qyzmet alý kestesin jasaıdy. Pasıent medısınalyq ońaltýdy jýrnalda belgi qoıý boıynsha kestege sáıkes reabılıtolog dárigerdiń baqylaýy boıynsha alady.

Medısınalyq ońaltý kýrsynan keıin dáriger reabılıtolog pasıentti qaıta qabyldaý qajettiligi týraly sheshim qabyldaıdy.