Aqjarqyn Turlybaıǵa qatysty sot úkimi shyqty

Qytaıda esirtki zattaryn tasmaldady dep aıyptalǵan Aqjarqyn Turlybaıǵa qatysty sot sheshimi ózgerissiz qaldy. Bul týraly Qazaqstannyń syrtqy ister mınıstrligi málimdedi. 

Mınıstrlik baspasóz qyzmetiniń habarlaýynsha, Gýanjoý soty 27 jeltoqsanda Aqjarqyn Turlybaıǵa qatysty shyqqan ómir boıy bas bostandyǵynan aıyrý úkimin ózgerissiz qaldyrǵan. Sot otyrysyna advokattar men Qazaqstannyń Qytaıdaǵy elshisi qatysty. Sot úkimi 10 kún ótken soń kúshine enedi.

Aqjarqyn Turlybaı 2014 jyly naýryz aıynda Qytaıda tutqyndalǵan. 2015 jyly maýsymda Qytaı soty Turlybaıdy ómirlik túrme jazasyna kesken. 2016 jyly sáýir aıynda apellıasııalyq sot úkimniń kúshin joıyp, isti qaıta qaraý úshin birinshi ınstansııaǵa qaıtarǵan. Turlybaı ózine taǵylǵan aıypty moıyndamaǵan.