Toqaev 28 jeltoqsandy ulttyq aza tutý kúni dep jarııalady

Qazaqstan prezıdenti Qasym-Jomart Toqaev 28 jeltoqsandy jalpyulttyq aza tutý kúni dep jarııalady. Bul týraly prezıdenttiń baspasóz hatshysy Berik Ýálı málimdedi. 

"Prezıdent Qasym-Jomart Toqaev Almaty mańynda ushaq apatynan adamdardyń qaza bolýyna baılanysty 2019 jyldyń 28 jeltoqsanyn jalpyulttyq aza tutý kúni dep jarııalady", dep jazdy Berik Ýálı Facebook-taǵy paraqshasynda. 

Juma kúni tańǵy ýaqytta Almatydan Nur-Sultan qalasyna ushyp shyqqan ushaq radardan joǵalyp ketkeni habarlanǵan. Áýejaı baspasóz qyzmetiniń málimetinshe,  Almatydan Nur-Sultan qalasyna 2100 reısimen 07:05-te ushyp,  radardan joǵalyp ketken «Bek Air» áýe kompanııasynyń ushaǵynyń bortynda 95 jolaýshy jáne 5 ekıpaj múshesi bolǵan. Sońǵy aqparat boıynsha, qaza tapqandar sany 15-ke jetken. Olardyń 14-i apat bolǵan orynda qaza tapsa, bireýi aýrýhanada kóz jumǵan.