• USD 468.56

  • EUR 497.56

  • RUB 7.3

  • CNY 67.18

28 Naýryz, 21:31:36
Almaty
+35°

Almatydaǵy ushaq apatynan qaza bolǵandardyń arasynda Informburo.kz saıtynyń redaktory Dana Krýglova da bar. Bul týraly Informburo.kz saıty habarlady. 

Saıttyń jazýynsha, 35 jastaǵy Dana Krýglova Almatyda iskerlik kezdesýleri bolǵanyna qaramastan, jańa jyldy ata-anasymen qarsy alý úshin Almatydan Nur-Sultan qalasyna ushpaq bolǵan. 

"Dana Krýglova naǵyz jýrnalıst bolǵan edi. Ol jazǵan maqalalar qoǵamda rezonans týdyryp, redaksııanyń barlyq qyzmetkerlerine úlgi bolatyn. Qańtar aıynda Dana shyǵarýshy redaktor boldy, al 1 jeltoqsannan bastap tergeý bólimin basqardy. Dana adal, batyl jáne obektıvti boldy. Bul bizdiń barlyǵymyz úshin orny tolmas qaıǵy", - deıdi Informburo.kz saıtynyń bas redaktory Mıhaıl Dorofeev. 

Dana Krýglova 1984 jyly 8 sáýirde  dúnıege kelgen. E.Bóketov atyndaǵy Qaraǵandy memlekettik ýnıversıtetin jýrnalıstıka mamandyǵy boıynsha bitirgen. 

Juma kúni tańǵy ýaqytta Almatydan Nur-Sultan qalasyna ushyp shyqqan ushaq radardan joǵalyp ketkeni habarlanǵan. Áýejaı baspasóz qyzmetiniń málimetinshe,  Almatydan Nur-Sultan qalasyna 2100 reısimen 07:05-te ushyp,  radardan joǵalyp ketken «Bek Air» áýe kompanııasynyń ushaǵynyń bortynda 95 jolaýshy jáne 5 ekıpaj múshesi bolǵan. Sońǵy aqparat boıynsha, qaza tapqandar sany 15-ke jetken. Olardyń 14-i apat bolǵan orynda qaza tapsa, bireýi aýrýhanada kóz jumǵan. 

"Qamshy" silteıdi
Ilmek sózder: Ushaq apaty

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir