27 Jeltoqsan, 2019 Oqıǵalar
tengrinews.kz
Almatyda Bek Air ushaǵynyń apatqa ushyraýynan qaza bolǵandar sany 15 adamǵa jetti dep jazady Qamshy.kz aqparat agenttigi. Bul týraly Almaty qalalyq Qoǵamdyq densaýlyq saqtaý basqarmasynyń basshysy Tileýhan Ábildaev málimdedi.
"14 adam oqıǵa ornynda qaza tapty. Bir adam aýrýhanada qaıtys boldy. Barlyǵy tıisti em-dommen qamtylǵan. Qan preparattary men dári-dármekter jetkilikti. Qajet bolǵan jaǵdaıda Astana qalasynan dárigerlerdi shaqyrýǵa daıynbyz. Jan saqtaý bóliminde 10 adam jatyr. Jedel-járdem shaqyrylǵan ýaqyttan 15 mınýttan keıin oqıǵa ornyna jetti", - dedi ol Almaty halyqaralyq áýejaıynda ótken baspasóz máslıhatynda.
Onyń aıtýynsha, 66 adam aýrýhanalarǵa jetkizilgen. Onyń ishinde 19 adam №4 qalalyq aýrýhanasyna, 13 adam jedel shuǵyl kómek kórsetý aýrýhanasyna, 3 adam ortalyq qalalyq klınıkalyq aýrýhanaǵa, 9 adam balalarǵa shuǵyl medısınalyq járdem ortalyǵyna jetkizilgen. 5 adamnyń jaǵdaıy aýyr.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir