• USD 468.56

  • EUR 497.56

  • RUB 7.3

  • CNY 67.18

29 Naýryz, 15:11:38
Almaty
+35°

26 Jeltoqsan, 2019 NEWS

Jańa zań: mal urlyǵyna jaza kúsheımek

Parlament Senatynyń jalpy otyrysynda palata depýtattary qylmystyq kodeks jobasyn eki oqylymda qarap, maquldady. Onda asa iri kólemde jáne qylmystyq top bolyp urlyq jasasa, 12 jyl bas bostandyǵynan aıyrýǵa deıin kózdelgeni aıtyldy.

osken-onir.kz

 

Bul týraly eki oqylymda maquldanǵan «Qazaqstan Respýblıkasynyń keıbir zańnamalyq aktilerine qylmystyq, qylmystyq-prosestik zańnamany jetildirý jáne jeke adam quqyqtarynyń qorǵalýyn kúsheıtý máseleleri boıynsha ózgerister men tolyqtyrýlar engizý týraly» zańynda qarastyryldy dep habarlaıdy «Qamshy.kz» aqparat agenttigi.  

Mal urlyǵyna qatysty zańnyń qataıǵany sonshalyq,  talqyǵa túsken qylmystyq kodeks jobasynda mal urlyǵy degen jeke bap engizilmek. Bas prokýrordyń orynbasary Marat Ahmetjanovtyń aıtýynsha, qazir atalǵan urlyq túri kásipke aınalýda.

«Birinshiden, mal urlyǵy degen jeke bap engizilmek. Ol qylmys úshin basqa urlyq túrlerine qaraǵanda jaza qatal bolmaq. Jalpy, bul normanyń mańyzy zor. Tórt túlikke qol suǵý – aýyl adamyn kúnkóris kózinen aıyrýmen birdeı. Osyǵan tosqaýyl kerek. Qazir mal urlaý kásipke aınalǵan», – dedi Marat Ahmetjanov.

Osy rette, bas prokýrordyń orynbasary bul sanatta teris qylyq pen ortasha aýyr qylmys degen bolmaıtynyn da atap ótti. Máselen, zań jobasynda jaı quram úshin 5 jylǵa deıin bas bostandyǵynan aıyrý eskerilse, eger top bolyp aldyn ala sóz baılasyp, iri mólsherde urlyq jasasa – 7 jylǵa deıin sottalady. Al birneshe ret mal qoraǵa, qoımaǵa buzyp kirgeni úshin – 10 jyl. Asa iri kólemde jáne qylmystyq top bolyp urlyq jasasa, 12 jyl bas bostandyǵynan aıyrý kózdelgen.

Eske sala keteıik, prezıdent Qasym-Jomart Toqaev óz Joldaýynda qylmysqa qarsy kúresti kúsheıtýdi tapsyrǵan bolatyn. Ásirese, adam óltirý, zorlaý, pedofılııa, mar urlyǵy, brakonerlik, esirtki taratýǵa, mas kúıinde kólik basqarýǵa jazany qataıtý jóninde aıtqan.

 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir