Arman Qyryqbaev jańa qyzmetke taǵaıyndaldy

Bul týraly «Nur Otan» partııasy tóraǵasynyń birinshi orynbasary Baýyrjan Baıbek tvıtterdegi paraqshasynda jazdy.

"Partııa Lıderi N.Á. Nazarbaevtyń kelisimimen Arman Qyryqbaev «Nur Otan»-nyń Hatshysy bolyp taǵaıyndaldy. Onyń partııadaǵy, sondaı-aq ortalyq jáne jergilikti memlekettik organdardaǵy mol jumys tájirıbesi aldaǵy mindetterdi tabysty iske asyrýyna múmkindik beretinine senimdimin" delingen jazbada.

Ol jańa laýazymda qoǵamdyq-saıası baǵytqa, qoǵamdyq saıasat ınstıtýtynyń, "Jas Otan" jastar qanatynyń jumysyna, sarapshylar qaýymymen baılanysqa jaýapty bolmaq.

Arman Qyryqbaev ár jyldary Almaty qalasy Medeý aýdany ákiminiń orynbasary, Mádenıet komıtetiniń tóraǵasy, Qaraǵandy oblysy ákiminiń orynbasary, QR mádenıet jáne aqparat vıse-mınıstri, "Egemen Qazaqstan", "Kazahstanskaıa pravda", "Qazaqfılm" AQ, "Nur Media" JShS-niń dırektorlar keńesiniń tóraǵasy, 2015-2019 jyldary Almaty qalasy ákiminiń orynbasary qyzmetterin atqarǵan.