Toqaev Baıqońyr týraly zańǵa qol qoıdy

Qazaqstan prezıdenti Qysym-Jomart Toqaev "1994 jylǵy 10 jeltoqsandaǵy Qazaqstan Respýblıkasynyń Úkimeti men Reseı Federasııasynyń Úkimeti arasyndaǵy «Baıqońyr» keshenin jalǵa berý shartyna ózgeris engizý týraly hattamany ratıfıkasııalaý týraly" Qazaqstan Respýblıkasynyń Zańyna qol qoıdy. Bul týraly búgin, 25 jeltoqsanda Aqordanyń resmı saıty habarlady. 

Aqorda saıtyndaǵy habarlamada zań mátininiń tolyq nusqasy baspasózde jarııalanatyny jazylǵan.

12 jeltoqsanda Qazaqstan senaty Reseı jalǵa alǵan Baıqońyrdaǵy 11,6 myń gektar jerdi keri qaıtaratyn zań qabyldaǵan bolatyn. Qujatqa sáıkes, Qazaqstan men Reseı arasynda 1994 jyly 10 jeltoqsanda qol qoıǵan Baıqońyr keshenin jalǵa alý týraly kelisimge ózgeris engizilip, prezıdenttiń qol qoıýyna jiberilgen. 

Baıqońyr (1996 jylǵa deıin Lenınsk qalasy) — Qyzylorda oblysynyń Qarmaqshy aýdanyndaǵy qala. Tóretam temir jol stansasynan batysqa qaraı 2 km jerde, Syrdarııa ózeniniń oń jaǵalaýynda, Turan jazyǵynyń qýań beldeminde ornalasqan. Baıqońyrda 77 myńnan astam adam turady. Reseı Qazaqstanǵa tıesili Baıqońyrdy 1994 jyldan bastap, 2050 jylǵa deıin jalǵa alǵan. Baıqońyr qalasyna ákim Reseı jáne Qazaqstan prezıdentteriniń jarlyǵymen taǵaıyndalady.